Qazaqstan Respýblikasy jáne Koreia Respýblikasy Syrtqy saiasi vedomstvolary arasynda Konsýldyq máseleler jónindegi konsýltatsiialarynyń 5-shi otyrysy ótti, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Qazaqstan delegatsiiasyn SIM Konsýldyq qyzmet departamentiniń direktory Taýboldy Úmbetbaev, al korei tarapyn SIM Sheteldegi kárister isteri jáne konsýldyq máseleleri jónindegi biýronyń bas direktory Vý In Shik basqardy. Is-sharaǵa sondai-aq eki eldiń múddeli quzyretti organdarynyń ókilderi de qatysty.
«Atalǵan konsýltatsiialar barysynda eki eldiń konsýldyq salasynda týyndaǵan birqatar ózekti máseleler talqylandy. Atap aitqanda, Ońtústik Koreianyń aýmaǵyna Qazaqstan azamattaryn kirgizbei keri qaitarý, zańsyz eńbek migranttardyń qalyptasýyna jol bermeý jáne onyń sheshý joldary, eki el azamattarynyń ózaralyq negizde quqyqtaryn qorǵaý, shart-quqyqtyq bazany keńeitý jáne taǵy basqa eki tarapqa ortaq ózekti máseleler talqylandy», - delingen habarlamada.
Konsýltatsiialardyń nátijesi boiynsha taraptar jadnama jazbalarmen almasty.
