Aǵymdaǵy jyly "Astana-Ulanbatyr" áýe reisin ashý josparlanyp otyr, dep xabarlaidy QazAqparat tilshisi.
Qazaqstannyń Mońǵoliiadaǵy Tótenshe jáne Ókiletti elshisi Qalybek Qoblandinniń aitýynsha, qazirgi kezde reisti ashý boiynsha kelissózder júrgizilip jatyr. "Eki el arasyndaǵy kúrdeli problemalardyń biri - kóliktik-logistikalyq bailanys. Iaǵni, tikelei ushý reisterin ashý qajet. Qazirgi kezde "Astana-Ulanbatyr" áýe reisin ashý boiynsha kelissózder júrgizilip jatyr. Amanshylyq bolsa, osy 2018 jyly eki el arasynda tikelei áýe reisi ashylady degen jospar bar", - dedi Q.Qoblandin Astanada ótken baspasóz máslixatynda.
Aita keteiik, Mońǵoliiaǵa aparatyn avtokólik joldary Resei arqyly ótedi. Búginde "Almaty - Ólgei" men "Astana-Ólgei" siiaqty avtobýs qatynastary bar. Budan bólek, "Óskemen-Ridder-Tashanta" atty qysqa jolmen de qatynaýǵa bolady. Atalǵan baǵytta Qazaqstan Ridderden Resei shekarasyna deiingi ýchaskeniń qurylysyn aiaqtady. Alaida Resei Federatsiiasy Mońǵoliiaǵa deiingi joldy bitirmei otyr.
