Qazaqstan men Qytai arasyndaǵy yntymaqtastyq teńdessiz dinamizmimen erekshelenedi. Bul týraly Memleket basshysy Qasym-Jomart Toqaev «Ortalyq Aziia – QHR» sammitinde aitty, dep habarlaidy QazAqparat.
«Bizdiń kezdesýimiz shyn máninde tarihi dataǵa – Ortalyq Aziia memleketteri men Qytai arasyndaǵy diplomatiialyq qarym-qatynastyń ornaýynyń 30 jyldyǵyna arnalǵan. Bizdiń ózara qatynasymyzdyń tarihy ǵasyrlar qoinaýynan tamyr alady. Biz tatý kórshilik pen ózara tiimdi yntymaqtastyqtyń tabysty tájiribesin shynaiy baǵalaimyz. Qurmetti tóraǵa Si Tszinpin, sizdiń bedeldi ári tiimdi basshylyǵyńyzdyń arqasynda Qytai Halyq Respýblikasy óz damýynda tańǵalarlyq tabysqa qol jetizdi. Absoliýtti kedeishilik túbegeili joiyldy. Ekonomikada tamasha serpilis jasaldy, ǵylym joǵary deńgeige shyqty. Búginde Qytai progresstiń barlyq negizgi kórsetkishteri boiynsha álemdik kóshbasshylar tobyna laiyqty endi», - dedi Memleket basshysy.
Qazaqstan Prezidenti qytai ekspresi buryn bolyp kórmegen jyldamdyq alyp, óziniń sońynan tek jekelegen elderdi ǵana emes, sonymen birge búkil óńirdi senimde jetelep kele jatqanyn basa aitty.
«Olardyń qataryna Ortalyq Aziia memleketteri de kiredi. Qazaqstan men Qytai arasyndaǵy yntymaqtastyq teńdessiz dinamizmimen, joǵary senim jáne shynaiy tatý kórshilikpen erekshelenedi. 2019 jyldyń qyrkúiegindegi Qytaiǵa memlekettik saparym barysynda elderimiz arasyndaǵy máńgilik jan-jaqty strategiialyq seriktestik týraly dekalaratsiiaǵa qol qoiyldy. Bul oqiǵa Qazaqstan men Qytai arasyndaǵy yntymaqtastyqtyń jańa kókjiegin ashty», -dep atap ótti Qasym-Jomart Toqaev.
