قازاقستان مەن قىتاي اراسىنداعى ىنتىماقتاستىق تەڭدەسسٸز ديناميزمٸمەن ەرەكشەلەنەدٸ. بۇل تۋرالى مەملەكەت باسشىسى قاسىم-جومارت توقاەۆ «ورتالىق ازييا – قحر» سامميتٸندە ايتتى, دەپ حابارلايدى قازاقپارات.
«بٸزدٸڭ كەزدەسۋٸمٸز شىن مەنٸندە تاريحي داتاعا – ورتالىق ازييا مەملەكەتتەرٸ مەن قىتاي اراسىنداعى ديپلوماتييالىق قارىم-قاتىناستىڭ ورناۋىنىڭ 30 جىلدىعىنا ارنالعان. بٸزدٸڭ ٶزارا قاتىناسىمىزدىڭ تاريحى عاسىرلار قويناۋىنان تامىر الادى. بٸز تاتۋ كٶرشٸلٸك پەن ٶزارا تيٸمدٸ ىنتىماقتاستىقتىڭ تابىستى تەجٸريبەسٸن شىنايى باعالايمىز. قۇرمەتتٸ تٶراعا سي تسزينپين, سٸزدٸڭ بەدەلدٸ ەرٸ تيٸمدٸ باسشىلىعىڭىزدىڭ ارقاسىندا قىتاي حالىق رەسپۋبليكاسى ٶز دامۋىندا تاڭعالارلىق تابىسقا قول جەتٸزدٸ. ابسوليۋتتٸ كەدەيشٸلٸك تٷبەگەيلٸ جويىلدى. ەكونوميكادا تاماشا سەرپٸلٸس جاسالدى, عىلىم جوعارى دەڭگەيگە شىقتى. بٷگٸندە قىتاي پروگرەسستٸڭ بارلىق نەگٸزگٸ كٶرسەتكٸشتەرٸ بويىنشا ەلەمدٸك كٶشباسشىلار توبىنا لايىقتى ەندٸ», - دەدٸ مەملەكەت باسشىسى.
قازاقستان پرەزيدەنتٸ قىتاي ەكسپرەسٸ بۇرىن بولىپ كٶرمەگەن جىلدامدىق الىپ, ٶزٸنٸڭ سوڭىنان تەك جەكەلەگەن ەلدەردٸ عانا ەمەس, سونىمەن بٸرگە بٷكٸل ٶڭٸردٸ سەنٸمدە جەتەلەپ كەلە جاتقانىن باسا ايتتى.
«ولاردىڭ قاتارىنا ورتالىق ازييا مەملەكەتتەرٸ دە كٸرەدٸ. قازاقستان مەن قىتاي اراسىنداعى ىنتىماقتاستىق تەڭدەسسٸز ديناميزمٸمەن, جوعارى سەنٸم جەنە شىنايى تاتۋ كٶرشٸلٸكپەن ەرەكشەلەنەدٸ. 2019 جىلدىڭ قىركٷيەگٸندەگٸ قىتايعا مەملەكەتتٸك ساپارىم بارىسىندا ەلدەرٸمٸز اراسىنداعى مەڭگٸلٸك جان-جاقتى ستراتەگييالىق سەرٸكتەستٸك تۋرالى دەكالاراتسيياعا قول قويىلدى. بۇل وقيعا قازاقستان مەن قىتاي اراسىنداعى ىنتىماقتاستىقتىڭ جاڭا كٶكجيەگٸن اشتى», -دەپ اتاپ ٶتتٸ قاسىم-جومارت توقاەۆ.
