Parlament Májilisiniń jalpy otyrysynda «Qazaqstan Úkimeti men Qytai Úkimeti arasyndaǵy Iadrolyq materialdardy, radioaktivti materialdardy, radioaktivti qaldyqtardy jáne radiatsiialyq-qaýipti zattardy zańsyz ótkizýdi bolǵyzbaýdaǵy ózara is-qimyl jónindegi kelisimdi ratifikatsiialaý týraly» zań jobasy maquldandy, dep habarlaidy QazAqparat.
«Iadrolyq, radioaktivti materialdardy, radioaktivti qaldyqtardy, radiatsiialyq qaýipti zattardy zańsyz ótkizýdiń aldyn alý maqsatynda kedendik baqylaý salasyndaǵy Taraptardyń yntymaqtastyǵyn keńeitýge jáne tereńdetýge múmkindik beredi. Atap aitqanda, zamanaýi tehnologiialardy engizý máseleleri boiynsha yntymaqtastyq, birlesken oqý-jattyǵýlar men oqytý seminarlaryn ótkizý eskerilgen. Ekinshiden, radiatsiialyq qaýipsizdikti qamtamasyz etý salasyndaǵy Taraptardyń halyqaralyq mindettemelerdi oryndaýyn qamtamasyz etýge múmkindik beredi. Osy oraida, taraptardyń keden shekarasyndaǵy ótkizý pýnktterinde radiatsiialyq baqylaý júrgizý, azamattardyń radiatsiialyq qaýipsizdigin qamtamasyz etý qamtylǵan», - dedi QR Premer-Ministriniń orynbasary – Qarjy ministri Erulan Jamaýbaev.
Onyń aitýynsha, úshinshiden, taraptar memleketteriniń zańnamasyna sáikes, ákelýge tyiym salynǵan iadrolyq, radioaktivti materialdardy, radioaktivti qaldyqtardy, radiatsiialyq qaýipti zattardy ákelýge jol bermeýge múmkindik beredi. Bul turǵyda radiatsiia aiasy belgilengen normalardan asatyn taýarlar men kólik quraldaryn tasymaldaýǵa qatysty Taraptar memleketteri zańnamasynyń talaptary ákelý elinde saqtalmaǵan jaǵdaida, mundai taýarlardy ekinshi Tarap memleketiniń aýmaǵyna áketýge jol berilmeidi.
«Taraptar ekinshi Taraptyń aýmaǵynan kelip túsken taýarlar men kólik quraldarynyń iondaýshy sáýlelený deńgeiine qatysty aspaptar kórsetkishteriniń ártúrliligi anyqtalǵan jaǵdaida, mundai kórsetkishter anyqtalǵan ótkizý pýnktiniń aýmaǵynda birlesken radiatsiialyq baqylaý júrgizý múmkindigi Kelisimniń mańyzdy normasy bolyp otyr. Birlesken radiatsiialyq baqylaýdy júrgizý tártibin Taraptar memleketteriniń keden organdarynyń ókilderinen jáne oqý ortalyqtarynyń mamandarynan turatyn birlesken jumys toby aiqyndaityn bolady. Osy Kelisimdi ratifikatsiialaý Qazaqstan men Qytai arasyndaǵy iadrolyq materialdardy, radioaktivti materialdardy, radioaktivti qaldyqtardy jáne radiatsiialyq-qaýipti zattardy zańsyz ótkizýdi boldyrmaý rásimine qatysty máselelerdi neǵurlym naqty jáne neǵurlym tiimdi quqyqtyq retteýge yqpal etetin bolady. Kelisimdi iske asyrý respýblikalyq biýdjetten qarjylyq shyǵyndardy talap etpeidi», - dedi ministr.
