Qazaqstan men Qyrǵyzstan Premer-Ministrleri «Qordai — Aq Jol» jańǵyrtylǵan ótkizý pýnktin ashty, dep habarlaidy "Ult aqparat".
Qazaqstan Premer-Ministri Asqar Mamin men Qyrǵyzstannyń Premer-Ministri Ýlýkbek Maripov Úkimetaralyq keńestiń IX otyrysyn ótkizip, eki eldiń memlekettik shekarasynda jańǵyrtylǵan «Qordai — Aq Jol» ótkizý pýnktiniń ashylý rásimine qatysty.
Úkimetaralyq keńes otyrysynda saýda-ekonomikalyq, investitsiialyq, aýyl sharýashylyǵy, sý-energetikalyq, tranzittik-kólik, týristik, ǵarysh jáne IT salalaryndaǵy, ónerkásiptik kooperatsiiadaǵy, sondai-aq bilim berý, mádeniet, densaýlyq saqtaý, halyqty áleýmettik qorǵaý jáne eńbek kóshi-qony, qorshaǵan ortany qorǵaý, óńiraralyq jáne shekara mańy yntymaqtastyǵy, EAEO jáne basqa da integratsiialyq birlestikter sheńberindegi ózara is-qimyl salalaryndaǵy yntymaqtastyqtyń ózekti máseleleri qaraldy.
Taraptar «Qarasý — Aq Tilek» ótkizý pýnktinde «Alataý» birlesken Transshekaralyq saýda ortalyǵyn (TSO) qurý perspektivasyn talqylady. Ortalyq bazasynda jemis-kókónis ónimderiniń zamanaýi qoimalaryn, sondai-aq sertifikattaý, sanitarlyq jáne fitosanitarlyq baqylaý organdaryn ornalastyrý kózdelip otyr, bul AÓK ónimderin qaita óńdeýdegi yntymaqtastyqty damytýǵa yqpal etetin bolady. TSO alańynda Qazaqstan men Qyrǵyzstan ónerkásiptik kooperatsiiasyn damytý úshin indýstriialyq aimaq qurý josparlanýda. Qyrǵyzstannyń Shý jáne Ystyqkól oblystarynda jalpy investitsiia kólemi $25 mln quraityn jáne aýystyryp tieý qýaty jylyna 26 myń tonna bolatyn kóterme-taratý ortalyqtaryn salý máselesi qaraldy.
Aýyl sharýashylyǵy salasyndaǵy yntymaqtastyqty damytý perspektivasy, «Besaǵash — Kichi Kapka» ótkizý pýnktin jáne Qazaqstan-Qyrǵyzstan shekarasyndaǵy basqa da ótkelderdi jańǵyrtý, eki eldiń Óńiraralyq yntymaqtastyq forýmyn ótkizý, taý baǵyttary boiynsha týristik toptar uiymdastyrǵan memlekettik shekarany kesip ótý tártibi týraly úkimetaralyq kelisim jasasý jáne t. b. talqylandy.
Qazaqstan Úkimetiniń basshysy infraqurylymda, kólikte, ónerkásiptik kooperatsiiada transshekaralyq bailanystardy kúsheitýge, sondai-aq azyq-túlik qaýipsizdigin nyǵaitýǵa baǵyttalǵan aýqymdy tolassyz integratsiialyq jobalardy iske asyrý arqyly EAEO sheńberinde eki eldiń investitsiialyq yntymaqtastyǵyn arttyrýdyń mańyzdylyǵyn atap ótti. A. Mamin sondai-aq navigatsiialyq plombalardy paidalaný tájiribesin keńeitý jáne fiskaldyq organdardyń málimetterimen onlain almasý arqyly eki el arasynda taýarlardyń ótýi úshin «jasyl dáliz» qurý qajettigine nazar aýdardy.
Memleket basshysy Qasym-Jomart Toqaevtyń tapsyrmasy boiynsha Qazaqstan jaqynda Qyrǵyzstanǵa 10 myń tonna bidai uny jáne 1 myń tonna kúzdik bidaidyń ónimdiligi joǵary tuqymy túrinde gýmanitarlyq kómek kórsetedi. Kelissózder qorytyndysy boiynsha Qazaqstan-Qyrǵyz Úkimetaralyq keńesiniń 9-shy otyrysynyń hattamasyna, sondai-aq «Qorǵas» ShYHO» AEA men Qyrǵyzstannyń «Naryn» AEA arasyndaǵy yntymaqtastyq týraly memorandýmǵa qol qoiyldy.
Úkimet basshylary jańǵyrtylǵan «Qordai (Qazaqstan) — Aq Jol (Qyrǵyzstan)» ótkizý pýnktiniń ashylý rásimine qatysty. 2020-2021 jyldary júrgizilgen qaita jóndeýden keiin ótkizý pýnktiniń qurylys alańy 3,5 ese, 4,9 myń sharshy metrge deiin, qozǵalys jolaqtarynyń sany 2-den 8-ge deiin, pasporttyq baqylaý kabinalarynyń sany 13-ten 34-ke deiin ulǵaityldy, zamanaýi inspektsiialyq-tekserý keshenderi ornatyldy. Qabyldanǵan sharalardyń nátijesinde pýnkttiń ótkizý múmkindigi táýligine 1 myńnan 2,5 myń avtomobilge deiin jáne 6 myńnan 25 myń adamǵa deiin ósti, bul Qazaqstan Respýblikasy men Qyrǵyz Respýblikasynyń saýda-ekonomikalyq yntymaqtastyǵyn damytýǵa mýltiplikativtik áser etedi.
