قازاقستان مەن قىرعىزستان پرەمەر-مينيسترلەرٸ «قورداي — اق جول» جاڭعىرتىلعان ٶتكٸزۋ پۋنكتٸن اشتى, دەپ حابارلايدى "ۇلت اقپارات".
قازاقستان پرەمەر-مينيسترٸ اسقار مامين مەن قىرعىزستاننىڭ پرەمەر-مينيسترٸ ۋلۋكبەك ماريپوۆ ٷكٸمەتارالىق كەڭەستٸڭ IX وتىرىسىن ٶتكٸزٸپ, ەكٸ ەلدٸڭ مەملەكەتتٸك شەكاراسىندا جاڭعىرتىلعان «قورداي — اق جول» ٶتكٸزۋ پۋنكتٸنٸڭ اشىلۋ رەسٸمٸنە قاتىستى.
ٷكٸمەتارالىق كەڭەس وتىرىسىندا ساۋدا-ەكونوميكالىق, ينۆەستيتسييالىق, اۋىل شارۋاشىلىعى, سۋ-ەنەرگەتيكالىق, ترانزيتتٸك-كٶلٸك, تۋريستٸك, عارىش جەنە IT سالالارىنداعى, ٶنەركەسٸپتٸك كووپەراتسيياداعى, سونداي-اق بٸلٸم بەرۋ, مەدەنيەت, دەنساۋلىق ساقتاۋ, حالىقتى ەلەۋمەتتٸك قورعاۋ جەنە ەڭبەك كٶشٸ-قونى, قورشاعان ورتانى قورعاۋ, ٶڭٸرارالىق جەنە شەكارا ماڭى ىنتىماقتاستىعى, ەاەو جەنە باسقا دا ينتەگراتسييالىق بٸرلەستٸكتەر شەڭبەرٸندەگٸ ٶزارا ٸس-قيمىل سالالارىنداعى ىنتىماقتاستىقتىڭ ٶزەكتٸ مەسەلەلەرٸ قارالدى.
تاراپتار «قاراسۋ — اق تٸلەك» ٶتكٸزۋ پۋنكتٸندە «الاتاۋ» بٸرلەسكەن ترانسشەكارالىق ساۋدا ورتالىعىن (تسو) قۇرۋ پەرسپەكتيۆاسىن تالقىلادى. ورتالىق بازاسىندا جەمٸس-كٶكٶنٸس ٶنٸمدەرٸنٸڭ زاماناۋي قويمالارىن, سونداي-اق سەرتيفيكاتتاۋ, سانيتارلىق جەنە فيتوسانيتارلىق باقىلاۋ ورگاندارىن ورنالاستىرۋ كٶزدەلٸپ وتىر, بۇل اٶك ٶنٸمدەرٸن قايتا ٶڭدەۋدەگٸ ىنتىماقتاستىقتى دامىتۋعا ىقپال ەتەتٸن بولادى. تسو الاڭىندا قازاقستان مەن قىرعىزستان ٶنەركەسٸپتٸك كووپەراتسيياسىن دامىتۋ ٷشٸن يندۋسترييالىق ايماق قۇرۋ جوسپارلانۋدا. قىرعىزستاننىڭ شۋ جەنە ىستىقكٶل وبلىستارىندا جالپى ينۆەستيتسييا كٶلەمٸ $25 ملن قۇرايتىن جەنە اۋىستىرىپ تيەۋ قۋاتى جىلىنا 26 مىڭ توننا بولاتىن كٶتەرمە-تاراتۋ ورتالىقتارىن سالۋ مەسەلەسٸ قارالدى.
اۋىل شارۋاشىلىعى سالاسىنداعى ىنتىماقتاستىقتى دامىتۋ پەرسپەكتيۆاسى, «بەساعاش — كيچي كاپكا» ٶتكٸزۋ پۋنكتٸن جەنە قازاقستان-قىرعىزستان شەكاراسىنداعى باسقا دا ٶتكەلدەردٸ جاڭعىرتۋ, ەكٸ ەلدٸڭ ٶڭٸرارالىق ىنتىماقتاستىق فورۋمىن ٶتكٸزۋ, تاۋ باعىتتارى بويىنشا تۋريستٸك توپتار ۇيىمداستىرعان مەملەكەتتٸك شەكارانى كەسٸپ ٶتۋ تەرتٸبٸ تۋرالى ٷكٸمەتارالىق كەلٸسٸم جاساسۋ جەنە ت. ب. تالقىلاندى.
قازاقستان ٷكٸمەتٸنٸڭ باسشىسى ينفراقۇرىلىمدا, كٶلٸكتە, ٶنەركەسٸپتٸك كووپەراتسييادا ترانسشەكارالىق بايلانىستاردى كٷشەيتۋگە, سونداي-اق ازىق-تٷلٸك قاۋٸپسٸزدٸگٸن نىعايتۋعا باعىتتالعان اۋقىمدى تولاسسىز ينتەگراتسييالىق جوبالاردى ٸسكە اسىرۋ ارقىلى ەاەو شەڭبەرٸندە ەكٸ ەلدٸڭ ينۆەستيتسييالىق ىنتىماقتاستىعىن ارتتىرۋدىڭ ماڭىزدىلىعىن اتاپ ٶتتٸ. ا. مامين سونداي-اق ناۆيگاتسييالىق پلومبالاردى پايدالانۋ تەجٸريبەسٸن كەڭەيتۋ جەنە فيسكالدىق ورگانداردىڭ مەلٸمەتتەرٸمەن ونلاين الماسۋ ارقىلى ەكٸ ەل اراسىندا تاۋارلاردىڭ ٶتۋٸ ٷشٸن «جاسىل دەلٸز» قۇرۋ قاجەتتٸگٸنە نازار اۋداردى.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قازاقستان جاقىندا قىرعىزستانعا 10 مىڭ توننا بيداي ۇنى جەنە 1 مىڭ توننا كٷزدٸك بيدايدىڭ ٶنٸمدٸلٸگٸ جوعارى تۇقىمى تٷرٸندە گۋمانيتارلىق كٶمەك كٶرسەتەدٸ. كەلٸسسٶزدەر قورىتىندىسى بويىنشا قازاقستان-قىرعىز ٷكٸمەتارالىق كەڭەسٸنٸڭ 9-شى وتىرىسىنىڭ حاتتاماسىنا, سونداي-اق «قورعاس» شىحو» اەا مەن قىرعىزستاننىڭ «نارىن» اەا اراسىنداعى ىنتىماقتاستىق تۋرالى مەموراندۋمعا قول قويىلدى.
ٷكٸمەت باسشىلارى جاڭعىرتىلعان «قورداي (قازاقستان) — اق جول (قىرعىزستان)» ٶتكٸزۋ پۋنكتٸنٸڭ اشىلۋ رەسٸمٸنە قاتىستى. 2020-2021 جىلدارى جٷرگٸزٸلگەن قايتا جٶندەۋدەن كەيٸن ٶتكٸزۋ پۋنكتٸنٸڭ قۇرىلىس الاڭى 3,5 ەسە, 4,9 مىڭ شارشى مەترگە دەيٸن, قوزعالىس جولاقتارىنىڭ سانى 2-دەن 8-گە دەيٸن, پاسپورتتىق باقىلاۋ كابينالارىنىڭ سانى 13-تەن 34-كە دەيٸن ۇلعايتىلدى, زاماناۋي ينسپەكتسييالىق-تەكسەرۋ كەشەندەرٸ ورناتىلدى. قابىلدانعان شارالاردىڭ نەتيجەسٸندە پۋنكتتٸڭ ٶتكٸزۋ مٷمكٸندٸگٸ تەۋلٸگٸنە 1 مىڭنان 2,5 مىڭ اۆتوموبيلگە دەيٸن جەنە 6 مىڭنان 25 مىڭ ادامعا دەيٸن ٶستٸ, بۇل قازاقستان رەسپۋبليكاسى مەن قىرعىز رەسپۋبليكاسىنىڭ ساۋدا-ەكونوميكالىق ىنتىماقتاستىعىن دامىتۋعا مۋلتيپليكاتيۆتٸك ەسەر ەتەدٸ.
