QR Prezidenti Qasym-Jomart Toqaev Qyrǵyz Respýblikasynyń Prezidenti Sooronbai Jeenbekovpen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Memleketter basshylary qazaq-qyrǵyz qatynastarynyń qarqyndy damyp kele jatqanyn atap ótip, yntymaqtastyqty odan ári damytýdyń perspektivalaryn talqylady.
Taraptar Qasym-Jomart Toqaevtyń biylǵy 27 qarashada Qyrǵyz Respýblikasyna jasaǵan memlekettik saparynyń qorytyndylaryn joǵary baǵalap, qol jetkizilgen ýaǵdalastyqtardyń tiimdi júzege asyrylýy eki eldiń strategiialyq seriktestigin damytýǵa tyń serpin beretinine senim bildirdi.
Sonymen qatar Prezidentter bir-birin kele jatqan Jańa jylmen quttyqtady. Qasym-Jomart Toqaev Sooronbai Jeenbekovke memlekettik qyzmette tabys, baýyrlas qyrǵyz halqyna baq-bereke tiledi.
