Qasym-Jomart Toqaev Qyrǵyz Respýblikasynyń Prezidenti Sooronbai Jeenbekovpen kezdesti, dep habarlaidy Aqordanyń baspasóz qyzmeti.
Qasym-Jomart Toqaev óziniń Qazaqstan Respýblikasynyń Prezidenti qyzmetine resmi kiriskennen keiingi alǵashqy saparyn Qyrǵyz Respýblikasynan bastaǵanynyń simvoldyq máni baryn aityp, jyly qabyldaǵanyna rizashylyǵyn bildirdi.
- Ulyqtaý rásiminen keiin Bishkek qalasynda kezdesýimiz - jaqsylyqtyń nyshany. Biz jaqynda Nur-Sultan qalasynda kezdesip, eki jaqty yntymaqtastyqtyń birqatar máselelerin talqyladyq. Bizdiń qazirgi mindetimiz - sol kelisimderdi júzege asyrý, - dedi Qazaqstan Prezidenti.
Qyrǵyz Respýblikasynyń Prezidenti Sooronbai Jeenbekov Qasym-Jomart Toqaevty sailaýdaǵy jeńisimen quttyqtap, budan ári de eki eldiń qarym-qatynastarynyń nyǵaia túsetinine senim bildirdi.
Taraptar aldaǵy Shanhai yntymaqtastyq uiymy sammitiniń kún tártibi boiynsha pikir almasty.
