Foto: Úkimet
Premer-ministrdiń orynbasary Qanat Bozymbaev Koreianyń sheteldik infraqurylym jáne qalalyq damý korporatsiiasynyń (KIND) prezidenti jáne bas direktory Kim Pok-hvanmen kezdesý ótkizdi, dep habarlaidy Ult.kz.
Búgin Astanada ótken kezdesý qazan aiynda Seýlde «Alatau Rise with Kazakhstan» roýd-shoýy aiasynda ótken kelissózderdiń jalǵasy boldy. Is-sharada qazaqstandyq tarap Alataý smart-qalasyn eldiń strategiialyq mańyzdy jobalarynyń biri retinde tanystyrdy.
«Kóptegen korei kompaniialary bizdiń keleshegi zor Alatau Smart City jobamyzdy qoldady, bul bizdi qýantady. KIND infraqurylymdyq qurylys jobalaryna, sonyń ishinde energetika, sýmen jabdyqtaý, sý tazartý, sarqyndy sýlardy óńdeý jáne sý burý, qatty turmystyq qaldyqtardy qaita óńdeý baǵyttaryndaǵy jobalarǵa EPC-kelisimsharttary nemese development formaty boiynsha qatysa alady», — dedi Qanat Bozymbaev.
Kezdesý barysynda taraptar logistika jáne port infraqurylymy salasyndaǵy ózge de áleýetti jobalar boiynsha birlesip jumys isteý múmkindikterin talqylady. Keń aýqymdy yntymaqtastyq áleýetin eskere otyryp, vitse-premer KIND basshysyna Qazaqstanda korporatsiia keńsesin ashýdy usyndy.
Kelissózder nátijesinde Qazaqstan Respýblikasynyń Ónerkásip jáne qurylys ministrligi, «Alatau City Authority» memlekettik qory jáne Koreianyń sheteldik infraqurylym jáne qalalyq damý korporatsiiasy arasynda Alatau Smart City jobasyn damytý jónindegi ózara túsinistik týraly memorandýmǵa qol qoiyldy.
