فوتو: ٷكٸمەت
پرەمەر-مينيستردٸڭ ورىنباسارى قانات بوزىمباەۆ كورەيانىڭ شەتەلدٸك ينفراقۇرىلىم جەنە قالالىق دامۋ كورپوراتسيياسىنىڭ (KIND) پرەزيدەنتٸ جەنە باس ديرەكتورى كيم پوك-حۆانمەن كەزدەسۋ ٶتكٸزدٸ, دەپ حابارلايدى Ult.kz.
بٷگٸن استانادا ٶتكەن كەزدەسۋ قازان ايىندا سەۋلدە «Alatau Rise with Kazakhstan» روۋد-شوۋى اياسىندا ٶتكەن كەلٸسسٶزدەردٸڭ جالعاسى بولدى. ٸس-شارادا قازاقستاندىق تاراپ الاتاۋ سمارت-قالاسىن ەلدٸڭ ستراتەگييالىق ماڭىزدى جوبالارىنىڭ بٸرٸ رەتٸندە تانىستىردى.
«كٶپتەگەن كورەي كومپانييالارى بٸزدٸڭ كەلەشەگٸ زور Alatau Smart City جوبامىزدى قولدادى, بۇل بٸزدٸ قۋانتادى. KIND ينفراقۇرىلىمدىق قۇرىلىس جوبالارىنا, سونىڭ ٸشٸندە ەنەرگەتيكا, سۋمەن جابدىقتاۋ, سۋ تازارتۋ, سارقىندى سۋلاردى ٶڭدەۋ جەنە سۋ بۇرۋ, قاتتى تۇرمىستىق قالدىقتاردى قايتا ٶڭدەۋ باعىتتارىنداعى جوبالارعا EPC-كەلٸسٸمشارتتارى نەمەسە دەۆەلوپمەنت فورماتى بويىنشا قاتىسا الادى», — دەدٸ قانات بوزىمباەۆ.
كەزدەسۋ بارىسىندا تاراپتار لوگيستيكا جەنە پورت ينفراقۇرىلىمى سالاسىنداعى ٶزگە دە ەلەۋەتتٸ جوبالار بويىنشا بٸرلەسٸپ جۇمىس ٸستەۋ مٷمكٸندٸكتەرٸن تالقىلادى. كەڭ اۋقىمدى ىنتىماقتاستىق ەلەۋەتٸن ەسكەرە وتىرىپ, ۆيتسە-پرەمەر KIND باسشىسىنا قازاقستاندا كورپوراتسييا كەڭسەسٸن اشۋدى ۇسىندى.
كەلٸسسٶزدەر نەتيجەسٸندە قازاقستان رەسپۋبليكاسىنىڭ ٶنەركەسٸپ جەنە قۇرىلىس مينيسترلٸگٸ, «Alatau City Authority» مەملەكەتتٸك قورى جەنە كورەيانىڭ شەتەلدٸك ينفراقۇرىلىم جەنە قالالىق دامۋ كورپوراتسيياسى اراسىندا Alatau Smart City جوباسىن دامىتۋ جٶنٸندەگٸ ٶزارا تٷسٸنٸستٸك تۋرالى مەموراندۋمعا قول قويىلدى.
