Foto: Aqorda
Astanada Memleket basshysy Qasym-Jomart Toqaev Kongo Demokratiialyq Respýblikasynyń Prezidenti Feliks Chisekedidi resmi qarsy aldy. Qurmet qaraýyly sap túzep, qos eldiń ánurandary oryndalǵannan keiin taraptar delegatsiia múshelerin tanystyrdy, dep habarlaidy Ult.kz.
Kelissóz barysynda Qazaqstan Prezidenti Feliks Chisekedidiń elimizge alǵash ret memlekettik saparmen kelýin tarihi oqiǵa dep atap ótti.
– Bul sapar Qazaqstan men Kongo arasyndaǵy yntymaqtastyqty damytýǵa jańa serpin beredi. Elińiz adami jáne tabiǵi resýrstarǵa bai, halqy 110 millionnan asady. Kongonyń aimaqtyq jáne halyqaralyq deńgeidegi róli artyp keledi. Búgingi kelissózder Ortalyq Aziia men Afrika arasyndaǵy bailanystardy kúsheitýge yqpal etedi, – dedi Qasym-Jomart Toqaev.
Óz kezeginde Feliks Chisekedi kórsetilgen qonaqjailyq úshin alǵys bildirip, ekijaqty yntymaqtastyqtyń áleýetine toqtaldy.
– Saparymyzdyń basty maqsaty – eki el arasyndaǵy qarym-qatynasty nyǵaitý, sondai-aq Afrika men Ortalyq Aziianyń bailanysyn arttyrý. Qazaqstanmen ERG kompaniiasy arqyly tyǵyz jumys istep kelemiz. Biraq tájiribe almasyp, yqpaldastyqty arttyrýǵa bolatyn basqa da salalar jetkilikti, – dedi ol.
Prezidentter halyqaralyq jáne óńirlik kún tártibindegi ózekti máselelerdi de talqylap, ózara túsinistikke qol jetkizdi.
