Foto: QR OAM
Qazaqstan Respýblikasynyń Oqý-aǵartý ministrligi men Izrail Memleketiniń Aimaqtyq yntymaqtastyq ministrligi, Bilim ministrligi, Halyqaralyq yntymaqtastyqty damytý jónindegi agenttigi jáne Syrtqy ister ministrligi erekshe bilim berý qajettilikteri bar balalardy oqytý salasyndaǵy ózara túsinistik týraly memorandýmǵa qol qoidy, dep habarlaidy Ult.kz.
Qujat inkliýzivti bilim berý salasyndaǵy yntymaqtastyqty damytý arqyly erekshe bilim berý qajettilikteri bar balalarǵa teń negizde sapaly bilim alý múmkindigin qamtamasyz etýge baǵyttalǵan.
Memorandým aiasynda taraptar bilim berý salasynda bilim men tájiribe almasyp, mamandardyń biliktiligin arttyrýdy, eki eldiń bilim berý uiymdary men sarapshylary arasyndaǵy kásibi bailanystardy nyǵaitýdy kózdeidi.
– Bul Qazaqstan úshin inkliýzivti bilim berý salasyndaǵy praktikalyq yntymaqtastyqty damytý men seriktestik bailanystardy tereńdetýdiń mańyzdy qadamy. Biz erekshe bilim berý qajettilikteri bar balalardy oqytý tájiribesin jetildirýge jáne mamandardyń kásibi áleýetin arttyrý boiynsha áriptestikti nyǵaitýǵa múddelimiz, – dedi Oqý-aǵartý ministri Juldyz Súleimenova.
Sońǵy jyldary Qazaqstanda inkliýzivti bilim berýdi damytýǵa erekshe kóńil bólinýde. Barlyq sanattaǵy balalar úshin teń qoljetimdilikti qamtamasyz etý maqsatynda normativtik baza jetildirilip, arnaiy bilim berý uiymdarynyń, psihologiialyq-pedagogikalyq qoldaý ortalyqtarynyń jáne resýrstyq kabinetterdiń sany artyp keledi.
Biyl qazan aiynda Qazaqstanda alǵash ret Búkiálemdik inkliýzivti bilim berý kongresi ótken bolatyn. Bul shara saladaǵy jetekshi sarapshylar men pedagogikalyq qaýymdastyq ókilderin biriktirip, tájiribe men ideialar almasýǵa múmkindik berdi.
