Qazaqstandyq kinematograftar sheteldik áriptesterimen birlesken 3 jobany qolǵa alyndy, dep habarlaidy QazAqparat.
Mádeniet jáne sport vitse-ministri Nurǵisa Dáýeshov redaktsiianyń saýalyna bergen jaýabynda osyndai málimet keltirdi.
«Sheteldik jáne halyqaralyq kinokompaniialar bizdiń elimizdiń kino naryǵyna qyzyǵýshylyq tanytýda. Bul rette, qazirgi tańda «Spasenie v stepi» (Qazaqstan – Ispaniia), «Óliara» (Qazaqstan – Vengriia), «Kókbozat» (Qazaqstan – Resei) birlesip shyǵarylatyn kinojobalar óndiriste ekenin atap ótemiz. Aita ketý kerek, bul memleket tarapynan qarjylyq qoldaýǵa úmitti bolǵan kóptegen birlesken óndiris kinojobalarynyń ishindegi eń úzdikteri bolyp tabylady», - dep jazylǵan vitse-ministrdiń jaýabynda.
