Kúzge qarai Qazaqstan men Ispaniia arasynda tikelei áýe reisi ashylýy múmkin. Bul týraly QR Syrtqy ister ministriniń orynbasary Erlan Álimbaev aitty, dep habarlaidy QazAqparat.
Qazaqstan Syrtqy ister ministrligi men Ispaniia Koroldigi Syrtqy ister, Eýropalyq odaq jáne yntymaqtastyq ministrligi arasyndaǵy saiasi konsýltatsiialardyń 6-raýndy aiasynda uiymdastyrylǵan baspasóz máslihaty barysynda BAQ ókilderi Erlan Álimbaevtan eki el arasynda tikelei áýe reisi qashan ashylatyndyǵyn suraǵan edi.
«Búgin bul másele de talqyǵa tústi. Pandemiiaǵa deiin mundai ýaǵdalastyq bolǵan jáne memorandýmǵa qol qoiylǵan edi. Qazir áýe qatynasy týraly úkimetaralyq kelisimniń mátinin kelisý jaiy qozǵalyp jatyr. Degenmen, ýaǵdalastyqta aptasyna jeti turaqty reisti jolǵa qoiý kózdelgen edi. Biraq, oǵan myna pandemiia óz túzetýin engizip otyr. Bizde, sonymen qatar Ispaniiada epidemiologiialyq ahýaldyń jaqsarýyna qarai, shamamen tamyz-qyrkúiek ailarynda osy áýe reisterin ashýdyń belsendi fazasyna kóshemiz dep úmittenemin», - dedi QR Syrtqy ister ministriniń orynbasary.
