Elordada Qazaqstan Syrtqy ister ministrligi men Ispaniia Koroldigi Syrtqy ister, Eýropalyq odaq jáne yntymaqtastyq ministrligi arasynda saiasi konsýltatsiialardyń 6-raýndy ótip jatyr, dep habarlaidy "Ult aqparat".
«Ispaniia Qazaqstan úshin mańyzdy eýropalyq áriptes sanalady jáne biz bul elmen qarym-qatynastardyń stratagiialyq áriptestik rýhynda damyp jatqandyǵyn qýanyshpen aitqymyz keledi. 2009 jyly qol qoiylǵan strategiialyq áriptestik týraly kelisim búgingi kelissózderdiń qorytyndysy boiynsha aldaǵy jyly taǵy qarastyrylyp, jańa deńgeige kóteriledi degen senimdemiz. Búgingi konsýltatsiialar Ispaniiamen saiasi, saýda-ekonomikalyq jáne mádeni-gýmanitarlyq yntymaqtastyqty alǵanda barlyq máselelerdi qamtidy deýge bolady. Olar boiynsha ustanymdarymyzdy, pikirlerimizdi ortaǵa salýǵa múmkindik týdy», - dedi konsýltatsiialar aiasynda BAQ ókilderine suhbat bergen QR Syrty ister ministriniń orynbasary Erlan Álimbaev.
Onyń atap ótýinshe, konsýltatsiialar barysynda ispan tarapymen halyqaralyq uiymdarda jáne BUU, EO, EQYU aiasynda ózara is-qimyl máselesi qozǵalyp, bir-biriniń kandidatýralaryn qoldaý boiynsha pikir almasylǵan.
«Kelissózderdiń qorytyndysy boiynsha ekijaqty eń joǵary deńgeidegi saparlardy jandandyryp, parlamentaralyq bailanystardy damytýǵa sharttyq-quqyqtyq bazany keńeitý jaiy qozǵaldy. Sondai-aq saýda-ekonomikalyq jáne investitsiialyq bailanystardy tereńdetip, eki memlekettiń mádeni bailanystaryn nyǵaitý jónindegi aldaǵy is-sharalar belgilendi», - dedi ol.
Aita keterligi, saiasi konsýltatsiialar aldynda ispandyq delegatsiiany bastap kelgen Ispaniia Koroldigi Syrtqy ister, Eýropalyq odaq jáne yntymaqtastyq ministrliginiń memlekettik hatshysy Kristina Gaiakty QR Premer-Ministriniń orynbasary – QR Syrtqy ister ministri Muhtar Tileýberdi qabyldady.
