Grýziiaǵa turaqty áýe reisteri qaitadan ashylady, dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
16 naýryzdan bastap «Eir Astana» áýe kompaniiasy Almaty – Tbilisi – Almaty baǵyty boiynsha aptasyna 3 reispen qaitadan usha bastaidy.
Eki el arasyndaǵy turaqty áýe qatynasyn qalpyna keltirý týraly sheshim 1 naýryzdan bastap kúshine engen Grýziianyń memlekettik shekarasynan Qazaqstan azamattarynyń ótýine qoiylǵan shekteýlerdi alyp tastaǵannan keiin qabyldandy.
Reister A320/321 áýe kemesimen aptanyń seisenbi, juma jáne jeksenbi kúnderi oryndalady.
Reister sanitarlyq-epidemiologiialyq talaptardy qatań saqtai otyryp jáne áýe kompaniiasynyń saitynda jariialanǵan kestege sáikes oryndalady.
