QR Premer-Ministriniń orynbasary Roman Skliar jáne german kompaniialarynyń basshylary onlain-kezdesý ótkizdi, dep habarlaidy "Ult aqparat" Úkimettiń resmi saityna silteme jasap.
Kezdesý barysynda barysynda «jasyl ekonomikany» damytý, shikizatty dekarbonizatsiialaý, qaita óńdeý jáne sýtegi ekonomikasy salasyndaǵy yntymaqtastyq máselesi talqylandy.
Kezdesýge Siemens Energy, Linde, Deutsche Bahn, REMONDIS, Deutsche Bank, Bayer, SAP, Goldbeck Solar jáne basqa da 80-nen astam jetekshi nemis kompaniialarynyń basshylary men ókilderi qatysty.
German ekonomikasy Shyǵys komitetiniń basqarýshy direktory Mihael Harms sóz sóilep, eki eldiń saýda-ekonomikalyq jáne investitsiialyq yntymaqtastyǵyn damytýdyń mańyzdylyǵyn atap ótti.
Onlain-kezdesý barysynda Germaniianyń jetekshi kompaniialarynyń basshylary «jasyl ekonomikany» damytý perspektivalaryna, ekijaqty yntymaqtastyq áleýetine jáne birlesken jobalardy iske asyrýǵa erekshe nazar aýdardy.
Kezdesý sońynda «suraq-jaýap» formatynda pikirtalas ótti.
