Foto: Akorda.kz
Qasym-Jomart Toqaev Aqordada Qazaqstanǵa memlekettik saparmen kelgen Germaniianyń Federaldy Prezidenti Frank-Valter Shtainmaiermen kelissóz júrgizdi, dep habarlaidy "Ult aqparat" Aqordanyń baspasóz qyzmetine silteme jasap.
Kelissózge deiin «Aqorda» rezidentsiiasynda resmi qarsy alý rásimi boldy. Qasym-Jomart Toqaev pen Frank-Valter Shtainmaier bir-birine resmi delegatsiia múshelerin tanystyrdy. Qurmet qaraýylynyń bastyǵy eki el basshylaryna raport berip, Qazaqstan men Germaniianyń memlekettik ánurandary shyrqaldy. Sodan keiin eki el basshylary Shyǵys zalynda kelissóz júrgizdi.
Prezidentter qazaq-german strategiialyq seriktestiginiń jai-kúii men damý perspektivalaryn talqylady. Saiasi dialogty nyǵaitýǵa, saýda, ekonomika, investitsiia, energetika, kólik jáne logistika salalaryndaǵy yntymaqtastyqty tereńdetýge erekshe nazar aýdaryldy.
Sondai-aq Transkaspii halyqaralyq kólik baǵytyn damytý aiasynda ózara is-áreketti jandandyrý, munai jáne gaz, jasyl energetika, ónerkásip salalaryndaǵy ózara tiimdi yntymaqtastyqty keńeitý mańyzdy ekeni atap ótildi.
Qasym-Jomart Toqaev pen Frank-Valter Shtainmaier halyqaralyq jáne óńirlik kún tártibindegi ózekti máseleler jóninde pikir almasty.
Kelissózder dostyq rýhynda ótti jáne konstrýktivti ári mazmundy boldy. Ekijaqty ekonomikalyq kún tártibiniń birqatar baǵyty boiynsha yntymaqtastyqty arttyrý týraly ýaǵdalastyqqa qol jetkizildi.
Budan keiin memleketter basshylary kelissózderdi eki el delegatsiialarynyń qatysýymen keńeitilgen quramda jalǵastyrdy.
