Foto: Zakon.kz
Májilis "Qazaqstan Respýblikasy men Frantsiia Respýblikasy arasyndaǵy qylmystyq ister boiynsha ózara quqyqtyq kómek týraly shartty ratifikatsiialaý týraly" Qazaqstan Respýblikasy zańynyń jobasyn qabyldady, - dep habarlaidy Tengrinews.kz portaly.
"Osyndai kelisimder qajet. Kelisim qylmys jasaǵany úshin kúdiktiler men aiyptalýshylardyń kinásin dáleldeýge baǵyttalǵan is áreketterin júrgizýdi kózdeidi. Mundai sharalardyń qatarynda qamaýda otyrǵan adamdardy ýaqytsha aýystyrý da bar", - dedi Bas prokýrordyń orynbasary Áset Shyndaliev.
Onyń aitýynsha, sharttar tergeýdiń tolyqtyǵyn qamtamasyz etý, kýálardan, jábirlenýshilerden jaýap alý, zattai aiǵaqtardy tárkileý týraly ótinish jiberýge múmkindik beredi.
"Mysaly qylmystyq is boiynsha kýá nemese jábirlenýshi shetelde turyp jatýy múmkin. Olardan jaýap alý kerek. Bizdiń quqyq qorǵaý organdary ózdiginen sol elge baryp, tergeý áreketin jasai almaidy. Sondai-aq qylmystyq isti tergeýge aiǵaq zattar, qujattar, qylmys quraldary ózge el aýmaǵynda bolýy múmkin. Ony ózimiz baryp ala almaimyz. Sol úshin quqyqtyq kómek týraly sharttar jasalady. Mundai sharttar tergeýdiń tolyqtyǵyn qamtamasyz etý úshin suraý joldap, kýádan nemese jábirlenýshiden jaýap alýǵa, zattai aiǵaqtardy tárkileýge múmkindik beredi. Sheteldegi tergeý áreketteri olardyń zańnamasyna sáikes sheshiledi", - dedi ol.
Shyńdaliev ataǵandai, quqyqtyq kómek osy syndy máselelerdi sheshedi.
"Osyǵan deiin ózara kelisim printsipinde júzege asyrylǵan. Endi shartta eki jaqtyń quqyqtyq mindettemeleri naqty belgilenedi. Jalpy, quqyqtyq kómek suraý salý arqyly júzege asyrylady. Ol zattardy tárkileý, tintý, banktegi shottardy anyqtaý, jaýap alý, aqparat almasý men basqa da tergeý amaldaryn qamtidy", - dedi ol.
Shartqa sáikes taraptar qylmystyq quqyq buzýshylyqtarǵa qatysty kez kelgen rásimderde bir-birine barynsha keńinen quqyqtyq kómek kórsetýge mindetteledi. Shartty iske asyrý eki eldiń qylmysqa qarsy kúrestegi yntymaqtastyǵynyń tiimdiligin arttyrady.
"Halyqaralyq sharttar týraly" Qazaqstan Respýblikasynyń Zańyna sáikes Shart mindetti ratifikatsiialaýǵa jatady, óitkeni ol adam men azamattyń quqyqtary men bostandyqtaryn tikelei qozǵaidy.
Atalǵandai, shartty ratifikatsiialaý kezinde ony iske asyrý teris áleýmettik-ekonomikalyq jáne quqyqtyq saldarlarǵa alyp kelmeidi, sondai-aq respýblikalyq biýdjetten qosymsha qarjy talap etpeidi.
Parlament Májilisiniń turaqty komitetteri zań jobasy boiynsha oń qorytyndylaryn berdi. Depýtattar daýys berý arqyly atalǵan zań jobasyn qabyldady.
