Qazaqstan-Finliandiia saýda-ekonomikalyq yntymaqtastyq jónindegi Úkimetaralyq komissiiasynyń teń tóraǵalarynyń kezdesýi ótti, dep habarlaidy "Ult aqparat" QR Ekologiia ministrliginiń baspasóz qyzmetine silteme jasap.
Kezdesý barysynda Qazaqstan-Finliandiia saýda-ekonomikalyq yntymaqtastyq jónindegi Úkimetaralyq komissiiasy aiasyndaǵy Qazaqstan Respýblikasy men Finliandiianyń saiasi, saýda-ekonomikalyq jáne mádeni-gýmanitarlyq salalardaǵy ekijaqty yntymaqtastyq máseleleri talqylandy.
Sondai-aq teń tóraǵalar tabiǵi ýran kontsentrattaryn jetkizý boiynsha iadrolyq energetika salasynda qol jetkizilgen progresti, Nurminen Logistics Services kompaniiasymen konteinerlik júkterdi tasymaldaýda tabysty yntymaqtastyqty atap ótti.
Júzdesý kezinde Maǵzum Myrzaǵaliev findik ministr Ville Skinnarimege eki eldiń damýy úshin erekshe áleýeti bar orman sharýashylyǵy, qaldyqtardy kádege jaratý, balyq sharýashylyǵy, qurylys jáne tsifrlandyrý salasyndaǵy yntymaqtastyqty keńeitýdi usyndy.
Sonymen qatar, Ekologiia ministrliginiń basshysy «Qazaqtelekom» AQ-nyń «Nokia» kompaniiasymen 5G tehnologiialaryn engizý salasyndaǵy jolǵa qoiylǵan yntymaqtastyǵyn oń baǵalai kele, fin kompaniialaryn odan ári belsendi yntymaqtastyqqa shaqyrdy.
Kezdesý qorytyndysy boiynsha yntymaqtastyqty jandandyrý jónindegi máseleler talqylandy.
Sondai-aq ekologiia, orman jáne balyq sharýashylyǵy, qaldyqtarmen jumys isteý, sý resýrstaryn basqarý salasyndaǵy iskerlik bailanysty keńeitý maqsatynda Qazaqstan Respýblikasynyń ekologiia, geologiia jáne tabiǵi resýrstar ministrligi, KaukoInternational Oy Ltd kompaniiasy jáne Qazaq-Fin tehnologiialyq ortalyǵy (QFTC) arasynda yntymaqtastyq týraly Memorandýmǵa qol qoidy.
