Búgin QR Saýda jáne integratsiia ministri Baqyt Sultanov Finliandiianyń Syrtqy saýda jáne damý ministri Ville Skinnarimen eki el arasyndaǵy saýda-ekonomikalyq yntymaqtastyqtyń ózekti máselelerine arnalǵan kelissóz ótkizdi, dep habarlaidy "Ult aqparat".
Kezdesý sharasyna Finliandiia Respýblikasynyń Qazaqstan Respýblikasyndaǵy Elshisi Soili Miakeliainen-Býhanist, sondai-aq Qazaqstan Respýblikasynyń Finliandiia Respýblikasyndaǵy Tótenshe jáne Ókiletti Elshisi Janna Sartbaeva qatysty.
Qazaqstan men Finliandiia arasynda áriptestik ózara qarym-qatynastardy odan ári damytýdyń tiimdi tetigi jolǵa qoiylǵan. Qazaqstan-Finliandiia saýda-ekonomikalyq yntymaqtastyq jónindegi Úkimetaralyq komissiiasy tabysty jumys isteýde.
«Elder arasyndaǵy taýar ainalymy 2021 jylǵy qańtar-naýryzda 111,2 mln dollardy qurady. Bul ótken jyldyń sáikes kezeńimen salystyrǵanda 3,4 ese joǵary. Qazaqstannan Finliandiiaǵa eksport 2021 jyldyń birinshi toqsanynda 80,8 esege ósip, 86,4 mln dollardy qurady», - dedi qazaqstandyq ministr.
«Sonymen qatar, Qazaqstan-Finliandiia qarym-qatynastarynyń nyǵaiý perspektivasy bar. Ózara saýdanyń qolda bar qurylymyn ózgertý úshin Qazaqstannyń saýda ministrligi munai-himiia, tamaq, metallýrgiia, mashina jasaý, himiia salalary ónimderiniń 40 ataýynan jáne qurylys taýarlarynan áleýetti taýarlardyń tizbesin qalyptastyrdy», - dedi Sultanov.
Qazaqstandyq óndirýshilerdiń artyqshylyqtary týraly aita otyryp, Baqyt Sultanov elimizde 60-tan astam organikalyq ónim óndirýshiler týraly habarlady. Olardyń bir bóligi qazirgi ýaqytta Eýropalyq odaqtyń ýákiletti organdarynda akkreditteýden ótýde.
Áńgime barysynda QR SIM basshysy Finliandiianyń joǵary tehnologiialar salasyndaǵy jetistikterimen tanymal ekenin jáne Qazaqstan osy salada tájiribe almasýǵa jáne yntymaqtastyq ornatýǵa múddeli ekenin atap ótti.
«Qazaqstan aýmaǵynda 10 arnaiy ekonomikalyq aimaq jumys isteidi. Investorlar úshin jeńildikter bar, Úkimet investorlardyń quqyqtaryn qoldaýǵa jáne qorǵaýǵa kepildik beredi. Fin investitsiialaryn tartý úshin «Qorǵas« ShYHO áleýetin paidalanýdy, sondai-aq ony QHR naryǵyna kóterme-bólshek eksporty alańy retinde paidalanýdy usynǵym keledi», - dedi QR Saýda jáne integratsiia ministri.
Óz kezeginde Finliandiianyń Syrtqy saýda jáne damý ministri V.Skinnari Resei Federatsiiasy men QHR arasyndaǵy qarym-qatynastar, sondai-aq eýropalyq qaýymdastyqpen yntymaqtastyq aiasynda biznes pen saýdany damytý máselelerin talqylaýǵa kelgenin atap ótti.
«Biz Finliandiianyń jetekshi kompaniialarynyń ókilderimen yntymaqtastyqtyń naqty nusqalaryn talqylaý úshin keldik. Finliandiianyń joǵary tehnologiialaryn eskere otyryp, yntymaqtastyǵymyzdy damytyp, serpilis jasai alamyz dep oilaimyn. Sondai-aq, logistika, tsifrlandyrý, bilim berý jáne densaýlyq saqtaý salalaryndaǵy yntymaqtastyqty damytýǵa múddelimiz. Biz saýda seriktesi bolýǵa jáne EO naryǵynda oryn alýǵa Qazaqstandy qoldaýǵa daiynbyz», - dedi V.Skinnari.
Osyǵan bailanysty, biznes-toptar arasyndaǵy yntymaqtastyqty jandandyrý maqsatynda qazaqstandyq tarap tutynýshylardy qazaqstandyq jáne fin óndirisiniń ónimderimen tanystyrý úshin onlain-formatta saýda missiialaryn ótkizýdi qarastyrý múmkindigin usyndy.
