Qazaqstan men Braziliia arasynda beinekonferentsiia formatynda saiasi konsýltatsiialar ótti, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Is-sharaǵa QR Syrtqy ister ministriniń orynbasary Aqan Rahmetýllin men Braziliia Syrtqy ister ministriniń orynbasary Marsia Donner Abreý teń tóraǵalar retinde qatysty.
Taraptar eki el arasyndaǵy keń aýqymdy yqpaldastyq kún tártibiniń ózekti máseleleri men ózara tiimdi yntymaqtastyq bolashaǵy týraly pikir almasty.
Naqtyraq aitqanda saiasi, saýda-ekonomikalyq jáne investitsiialyq, sondai-aq parlamentaralyq yntymaqtastyq pen koronavirýspen kúrestegi jáne ulttyq ekonomikalardy COVID-19 pandemiiasynyń saldaryn eńserýdegi tájiribe almasý qarastyryldy. Sondai-aq atom energetikasy, taý-ken, jańartylatyn energetika jáne aýyl sharýashylyǵy salasynda birqatar ýaǵdalastyqtarǵa qol jetkizildi.
Taraptar BUU jáne ózge de halyqaralyq uiymdar aiasyndaǵy árekettestikterin joǵary deńgeiin atap ótti.
«Braziliia Qazaqstannyń Ońtústik Amerikadaǵy senimdi seriktesi bolyp tabylady. Biz eki el arasynda ornatylǵan seriktestikti dostyq, ózara qurmet jáne senim rýhynda odan ári tereńdetýge niettimiz», - dedi A. Rahmetýllin óz sózinde.
Is-sharanyń qorytyndysy boiynsha taraptar jemisti yntymaqtastyqty odan ári jalǵastyrý jáne aldaǵy kezeńge arnalǵan negizgi basymdyqtardy júzege asyrýdaǵy naqty qadamdar jóninde ýaǵdalastyqtarǵa qol jetkizdi.
