Abý-Dabide Qazaqstan Respýblikasy men Birikken Arab Ámirlikteriniń Birlesken áskeri komissiiasynyń kezekti otyrysy ótti. Bul týraly QR Qorǵanys ministrliginiń baspasóz qyzmetinen málim etti, dep habarlaidy QazAqparat.
«Komissiia otyrysyna QR Qorǵanys ministrligi Halyqaralyq yntymaqtastyq departamentiniń bastyǵy polkovnik Oljas Qusaiynov pen Birikken Arab Ámirlikteri Qorǵanys ministrligi Halyqaralyq qatynastar basqarmasynyń bastyǵy aviatsiianyń brigadalyq generaly Muhammad Ál-Mazrýi qatysty.
Taraptar áskeri bilim berý, radiatsiialyq, himiialyq jáne biologiialyq qorǵaý, jaýyngerlik daiarlyq, áskeri barlaý jáne áskeri-tehnikalyq saladaǵy yntymaqtastyqtyń jai-kúii men damý kókjiegin talqylady», - delingen habarlamada.
Aqparatqa súiensek, kelissózder nátijesinde Qazaqstan men Birikken Arab Ámirlikteriniń qorǵanys vedomstvolary arasynda 2022 jylǵa arnalǵan áskeri yntymaqtastyq josparyna qol qoiyldy.
