Qazaqstannyń Ulttyq kýrorttyq qaýymdastyǵy Qazaqstan Respýblikasynyń Ázerbaijandaǵy Elshiliginiń qoldaýymen densaýlyq saqtaý salasynda ekijaqty bailanysty odan ári damytý maqsatynda Ázerbaijan eliniń A.Karaev atyndaǵy fiziologiia institýty jáne Nahichevan avtonomdyq respýblikasyndaǵy «Dýzdag» Fiziologiialyq ortalyǵymen yntymaqtastyq jáne ózara árekettestik týraly memorandýmdarǵa qol qoidy, dep habarlaidy "Ult aqparat".
Memorandým maqsaty – meditsinalyq týrizm, sanatorlyq-shipajailyq emdeý salasyndaǵy yntymaqtastyqty damytý, jańa meditsinalyq-biologiialyq jáne biomeditsinalyq zertteýler salasynda tájiribe almasý, saýyqtyrý salasynda birlesken jobalar men trening baǵdarlamalaryn ótkizý.
Budan basqa, qol qoiylǵan qujattar Qazaqstan men Ázerbaijan arasynda eki eldiń shipajailaryna emdeý-saýyqtyrý protsedýrasyna baratyn týrister aǵynynyń kóbeiýine septigin tigizedi.
