Biyl qashyqtan oqytýǵa qatysty jaǵdai ózgermese, onda oqý jylynyń aiaqtalýyna arnalǵan sońǵy qońyraý soǵylmaýy múmkin. Bul týraly QR Bilim jáne ǵylym vitse-ministri Sholpan Karinova málim etti, dep habarlaidy "Ult aqparat".
«Biyl qorytyndy attestattaý bolmaidy. Buǵan deiin 9-synypta tórt pánnen, 11-synypta 5 pánnen emtihan jumysyn ótkizý qarastyrylǵan bolatyn. Sondyqtan bul qorytyndy attestattaý júrgizilmeidi. Barlyq pánder boiynsha jyldyq qorytyndylar negizinde attestat tapsyrylady», - dedi vitse-ministr Ortalyq kommýnikatsiialar qyzmetindegi onlain tártipte ótken baspasóz máslihatynda.
Sonymen qatar Sh. Karinova sońǵy qońyraýǵa qatysty toqtala kele, rásim oqý jyly aiatalǵan kezde bolatynyn, iaǵni qorytyndylaityn saltanatty shara ekenin eske saldy. Oǵan mektep ujymy men oqýshylar qatysady.
Onyń sózine qaraǵanda, eger jaǵdai ózgermese, sońǵy qońyraý bolmaýy múmkin.
