Foto:elements.envato.com
Densaýlyq saqtaý vitse-ministri - bas memlekettik sanitariia dárigeri Aijan Esmaǵambetova Qytaiǵa shyǵý men kirýge shekteý engizý josparda joq ekenin aitty, - dep habarlaidy Tengrinews.kz portaly.
Bas sanitariia dárigeriniń aitýynsha, koronavirýstyń "Omikron" shtamy jáne onyń ártúrli túri búkil álemde taralǵan.
"Alańdaýshylyq týdyratyn jańa shtamdar joq. Onda bizdiń elde taralǵan búkil álemdegi dúnie bolsa, kirýge jáne shyǵýǵa karantin shekteýlerin engizýdiń ne qajeti bar degen suraq týyndaidy. Vaktsinatsiia, revaktsinatsiia protsesi ujymdyq immýnitet deńgeiin saqtaitynyn este ustaǵan jón. Sonymen qatar, bul - aýrýǵa qarsy qorǵanys.
Búkil álemde kirýge jáne shyǵýǵa shekteýler alyp tastaldy, sonyń ishinde Qazaqstan da. Bul Qytaiǵa da qatysty. Bizde bar málimet boiynsha, Qytaida dál sol "Omikron" taralǵan. Álemniń kez kelgen eline, sonyń ishinde Qytaiǵa kirýge nemese odan shyǵýǵa eshqandai shekteý qoiýǵa negiz joq", - dedi Esmaǵambetova "Habar 24" telearnasyna bergen suhbatynda.
