2 naýryzdan bastap Qytaidan súiekti, shekildeýikti jáne tsitrýsty daqyldardy alyp kelýge ýaqytsha tyiym saldy, dep habarlaidy "Ult aqparat" AShM baspasóz qyzmetine silteme jasap.
QR AShM Agroónerkásiptik keshendegi memlekettik inspektsiia komitetiniń atalǵan tyiymdy engizýge Qytaidan Qazaqstan aýmaǵyna kirgiziletin ónimderde «karantindik obektilerdiń» júieli túrde anyqtalýy negiz bolǵan.
«Fitosanitarlyq sharalar jónindegi Halyqaralyq standarttyń erejelerine sáikes QR AShM Agroónerkásiptik keshendegi memlekettik inspektsiia komiteti QHR-nyń Bas keden basqarmasynyń atyna karantinge jatqyzylǵan ónimdi alyp kelý kezinde halyqaralyq jáne biryńǵai karantindik fitosanitariialyq talaptardyń buzylýy týraly notifikatsiia joldady. QHR karantindik qyzmeti QR AShM Agroónerkásiptik keshendegi memlekettik inspektsiia komiteti joldaǵan resmi habarlamany qarastyryp, áreket etý sharalaryn kúsheitýdi usyndy. Atap aitqanda, Qytai tarapy júieli sipatta oryn alǵan buzýshylyqtar jekelegen jemis-jidek baqshalarynyń karantindik obektilerge qarsy aldyn alý sharalaryn júrgizbeýlerine bailanysty ekenin anyqtady», - delingen habarlamada.
Aita ketsek, 2019 jyly Qazaqstan aýmaǵyna Qytaidan karantinge jatqyzylǵan ónimdi alyp kirýde 52 buzýshylyq anyqtaldy, onyń ishinde 7 karantindik organizmder, 22 fitosanitariialyq sertifikatsyz ónimdi kirgizý jaǵdaiy, 13 karantinge jatqyzylǵan ónimniń oramasynda markirovkanyń bolmaýy, 3 fitosanitariialyq talaptardyń buzylýy, 4 fitosanitariialyq sertifikattyń sáikessizdigi jáne 3 karantinge jatqyzylǵan ónimniń tekserýge usynbaý jaǵdaiy.
Barlyq kórsetilgen jaǵdaida karantinge jatqyzylǵan ónimdi (12 myń taýar birligi) keri qaitarý júzege asyryldy. Sonymen qatar, 2 mln teńgege 27 aiyppul salyndy.
