2 ناۋرىزدان باستاپ قىتايدان سٷيەكتٸ, شەكٸلدەۋٸكتٸ جەنە تسيترۋستى داقىلداردى الىپ كەلۋگە ۋاقىتشا تىيىم سالدى, دەپ حابارلايدى "ۇلت اقپارات" اشم باسپاسٶز قىزمەتٸنە سٸلتەمە جاساپ.
قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸنٸڭ اتالعان تىيىمدى ەنگٸزۋگە قىتايدان قازاقستان اۋماعىنا كٸرگٸزٸلەتٸن ٶنٸمدەردە «كارانتيندٸك وبەكتٸلەردٸڭ» جٷيەلٸ تٷردە انىقتالۋى نەگٸز بولعان.
«فيتوسانيتارلىق شارالار جٶنٸندەگٸ حالىقارالىق ستاندارتتىڭ ەرەجەلەرٸنە سەيكەس قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ قحر-نىڭ باس كەدەن باسقارماسىنىڭ اتىنا كارانتينگە جاتقىزىلعان ٶنٸمدٸ الىپ كەلۋ كەزٸندە حالىقارالىق جەنە بٸرىڭعاي كارانتيندٸك فيتوسانيتارييالىق تالاپتاردىڭ بۇزىلۋى تۋرالى نوتيفيكاتسييا جولدادى. قحر كارانتيندٸك قىزمەتٸ قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ جولداعان رەسمي حابارلامانى قاراستىرىپ, ەرەكەت ەتۋ شارالارىن كٷشەيتۋدٸ ۇسىندى. اتاپ ايتقاندا, قىتاي تاراپى جٷيەلٸ سيپاتتا ورىن العان بۇزۋشىلىقتار جەكەلەگەن جەمٸس-جيدەك باقشالارىنىڭ كارانتيندٸك وبەكتٸلەرگە قارسى الدىن الۋ شارالارىن جٷرگٸزبەۋلەرٸنە بايلانىستى ەكەنٸن انىقتادى», - دەلٸنگەن حابارلامادا.
ايتا كەتسەك, 2019 جىلى قازاقستان اۋماعىنا قىتايدان كارانتينگە جاتقىزىلعان ٶنٸمدٸ الىپ كٸرۋدە 52 بۇزۋشىلىق انىقتالدى, ونىڭ ٸشٸندە 7 كارانتيندٸك ورگانيزمدەر, 22 فيتوسانيتارييالىق سەرتيفيكاتسىز ٶنٸمدٸ كٸرگٸزۋ جاعدايى, 13 كارانتينگە جاتقىزىلعان ٶنٸمنٸڭ وراماسىندا ماركيروۆكانىڭ بولماۋى, 3 فيتوسانيتارييالىق تالاپتاردىڭ بۇزىلۋى, 4 فيتوسانيتارييالىق سەرتيفيكاتتىڭ سەيكەسسٸزدٸگٸ جەنە 3 كارانتينگە جاتقىزىلعان ٶنٸمنٸڭ تەكسەرۋگە ۇسىنباۋ جاعدايى.
بارلىق كٶرسەتٸلگەن جاعدايدا كارانتينگە جاتقىزىلعان ٶنٸمدٸ (12 مىڭ تاۋار بٸرلٸگٸ) كەرٸ قايتارۋ جٷزەگە اسىرىلدى. سونىمەن قاتار, 2 ملن تەڭگەگە 27 ايىپپۇل سالىندى.
