Qazaqstan-Qytai shekarasyndaǵy «Nur joly» ýchaskesinde politseiler qoǵamdyq tártipti baqylaýda, - dep habarlaidy "Ult aqparat".
Politsiia departamenti Qazaqstan-Qytai shekarasynda júk kóliginiń kezegi men olardyń jyljýyn baqylaýdy Panfilov aýdanynyń ákimi basqaratyn Shtab júzege asyratynyn habarlady. Júk kólikteriniń júrýi úshin elektrondyq kezek quryldy.
Kún saiyn beinetirkegishtermen kamtamasyz etilgen jiyrmaǵa jýyq politsiia qyzmetkeri patrýldeý rejiminde eki aýysymda qyzmet atqarady. Politsiia qyzmetkerleri ýchaskede qoǵamdyq tártipti saqtaýdy qamtamasyz etedi jáne jol erejeleriniń qatań saqtalýyn baqylaidy.
Aǵymdaǵy jyldyń basynan «Nur-Joly» keden beketine qatysty 13 habarlama men ótinish tirkeldi.
Ár azamat jol berilgen buzýshylyq týraly ótinishti jazbasha da, telefon arqyly da 8(72831)51362 nomerine joldaýǵa quqyly. Mamandar azamattardyń kez kelgen eskertýleri dereý qaralatyndyǵyn jáne máseleni oń sheshý boiynsha is-sharalar der kezinde qabyldanatynyn eske salady.
