Qazaqstan Qyrǵyzstanǵa 4,2 tonna júzim jáne qurma ónimin keri qaitardy, dep habarlaidy QazAqparat QR AShM baspasóz qyzmetine silteme jasap.
«Qyrǵyzstan Respýblikasynan kelgen 4,2 tonna júzim jáne qurma óniminen Aziialyq jemis shybyny ziiankesi anyqtaldy», delingen baspasóz habarlamasynda.
Bul ónimder 21 qarashada Jambyl oblysynyń Qordai aýdanynda karantindik fitosanitarlyq baqylaýlar júrgizý barysynda belgili bolǵan.
Eýraziialyq ekonomikalyq odaqtyń ósimdikter karantini salasyndaǵy zańnamasynyń buzylýyna bailanysty atalǵan karantindik ónimder Qyrǵyz Respýblikasynyń aýmaǵyna keri qaitaryldy.
Aita keterligi, Aziialyq jemis shybyny - daqyldardyń 60-tan astam túrlerin zaqymdap, jemisin shiritip, qoldanýǵa jaramsyz etedi.
