Qazaqstan Qyrǵyzstanǵa 1 myń avtobýs eksporttaidy

Búgin Úkimet úiinde QR Premer-Ministri Asqar Mamin men Qyrǵyz Respýblikasy Ministrler kabinetiniń Tóraǵasy – Prezidenti Ákimshiliginiń basshysy Aqylbek Japarovpen kezdesti. Kezdesýde Qyrǵyzstannyń Qazaqstanda shyǵarylǵan avtokólik quraldaryn satyp alýy týraly memorandýmǵa qol qoiyldy. Bul týraly primeminister.kz saity habarlady.

Qujatqa Qazaqstan Respýblikasynyń saýda jáne integratsiia ministri Baqyt Sultanov, Qyrǵyz Respýblikasynyń ekonomika jáne kommertsiia ministri Daniiar Amangeldiev, Bishkek qalasynyń meri Aibek Djýnýshaliev jáne «Alliýr» kompaniialar toby» AQ direktorlar keńesiniń tóraǵasy Andrei Lavrentev qol qoidy. 

Memorandým 2022 jyly Qyrǵyzstanǵa lizing shartymen Qazaqstanda shyǵarylǵan Yutong markaly 1 myń birlik elektrli, gaz jáne dizelmen júretin avtobýstardy jáne 100 birlik arnaiy tehnikany jetkizýdi kózdeidi. 

Bul rette avtobýstar jolaýshylar kóligi qozǵalysyn dispetcherlendirýdiń elektrondyq júiesimen jáne ONAY PAY jol aqysyn tóleýdiń avtomatty júiesimen jaraqtandyrylady.