Qazaqstan quramasynyń jartylai qorǵaýshysy 26 jastaǵy Aibol Ábiken doping qoldanǵany úshin tórt jylǵa sporttan shettetildi, - dep habarlaidy Massaget.kz portaly Vesti.kz saityna silteme jasap.
Aita keteiik, sportshy buǵan deiin doping paidalandy dep aiyptalǵan bolatyn.
Oiynshynyń doping synamasy oń nátije bergenin jýrnalist Sergei Railian málimdedi.
"Ol fýtbolǵa 2026 jyldyń 29 sáýirine deiin orala almaidy. Bul mansaptyń sońy ma?", - dep jazdy Railian.
Ábiken naýryz aiynda Moldovamen ótetin ÝEFA Ulttar ligasynyń plei-off kezeńi aldynda doping synamasynan óte almaǵan.
Aita keteiik, 2022 jyly ol Qazaqstan Premer-Ligasyndaǵy eń qymbat oiynshy atandy. Pavlodarlyq "Aqsý" komandasynda oinaǵan.
Aibol Ábiken - Almaty fýtbol mektebiniń túlegi. Jasyl alańdaǵy alǵashqy kezdesýin 2017 jyly "Qairat" sapynda ótkizdi.
