قازاقستان قۇراماسىنىڭ جارتىلاي قورعاۋشىسى 26 جاستاعى ايبول ەبٸكەن دوپينگ قولدانعانى ٷشٸن تٶرت جىلعا سپورتتان شەتتەتٸلدٸ, - دەپ حابارلايدى Massaget.kz پورتالى Vesti.kz سايتىنا سٸلتەمە جاساپ.
ايتا كەتەيٸك, سپورتشى بۇعان دەيٸن دوپينگ پايدالاندى دەپ ايىپتالعان بولاتىن.
ويىنشىنىڭ دوپينگ سىناماسى وڭ نەتيجە بەرگەنٸن جۋرناليست سەرگەي رايليان مەلٸمدەدٸ.
"ول فۋتبولعا 2026 جىلدىڭ 29 سەۋٸرٸنە دەيٸن ورالا المايدى. بۇل مانساپتىڭ سوڭى ما?", - دەپ جازدى رايليان.
ەبٸكەن ناۋرىز ايىندا مولدوۆامەن ٶتەتٸن ۋەفا ۇلتتار ليگاسىنىڭ پلەي-وفف كەزەڭٸ الدىندا دوپينگ سىناماسىنان ٶتە الماعان.
ايتا كەتەيٸك, 2022 جىلى ول قازاقستان پرەمەر-ليگاسىنداعى ەڭ قىمبات ويىنشى اتاندى. پاۆلودارلىق "اقسۋ" كومانداسىندا ويناعان.
ايبول ەبٸكەن - الماتى فۋتبول مەكتەبٸنٸڭ تٷلەگٸ. جاسىل الاڭداعى العاشقى كەزدەسۋٸن 2017 جىلى "قايرات" ساپىندا ٶتكٸزدٸ.
