Búgin Reseidiń Ekaterinbýrg qalasynda ótip jatqan bokstan Álem chempionatynda qazaqstandyq bir boksshy jarys jolynan shyǵyp qaldy, dep habarlaidy QazAqparat.
Búgin bokstan álem chempionatynyń kúndizgi sessiiasynda úsh boksshymyz judyryqtasty. Solardyń arasynan 63 keli salmaqta el namysyn qorǵap jatqan Zákir Safiýllin 1/8 ainalymda 2017 jylǵy álem chempiony jáne Panamerika oiyndarynyń eki dúrkin jeńimpazy, kýbalyq Endi Krýz Gomesten utylyp qaldy. Tóreshiler 5:0 esebimen jeńisti kýbalyq boksshyǵa berdi.
Esesine, 52 kelige deiingi salmaqta Sáken Bibosynov 1/8 finalda 2016 jylǵy Olimpiadanyń kúmis jáne 2017 jylǵy álem chempionatynyń qola júldegeri kolýmbiialyq Iýberhen Martinesten ailasyn asyrdy. 91 keli salmaqta synǵa túsip jatqan taǵy bir boksshymyz Vasilii Levitte shirek finalǵa súrinbei ótti. Ol ýkrainalyq qarsylasy Marat Grigoriandy aiqyn basymdyqpen utty.
Endi, keshki sessiiada, Astana ýaqytymen 20:00-de taǵy tórt boksshymyz sharshy alańǵa shyǵady.
Olar:
69 keli - Abylaihan Júsipov - Nik Syra (Germaniia)
81 keli - Bekzat Nurdáýletov - Keno Machado (Braziliia)
+91 keli - Qamshybek Qońqabaev - Aiýb Kadfa (Ispaniia)
57 keli - Qairat Eraliev - Chatchai Býtdi (Tailand).
Aita keteiik, bokstan álem chempionatynda ázirge Zákir Safiýllinnan basqasy jeńilissiz kele jatyr.
