بٷگٸن رەسەيدٸڭ ەكاتەرينبۋرگ قالاسىندا ٶتٸپ جاتقان بوكستان ەلەم چەمپيوناتىندا قازاقستاندىق بٸر بوكسشى جارىس جولىنان شىعىپ قالدى, دەپ حابارلايدى قازاقپارات.
بٷگٸن بوكستان ەلەم چەمپيوناتىنىڭ كٷندٸزگٸ سەسسيياسىندا ٷش بوكسشىمىز جۇدىرىقتاستى. سولاردىڭ اراسىنان 63 كەلٸ سالماقتا ەل نامىسىن قورعاپ جاتقان زەكٸر سافيۋللين 1/8 اينالىمدا 2017 جىلعى ەلەم چەمپيونى جەنە پانامەريكا ويىندارىنىڭ ەكٸ دٷركٸن جەڭٸمپازى, كۋبالىق ەندي كرۋز گومەستەن ۇتىلىپ قالدى. تٶرەشٸلەر 5:0 ەسەبٸمەن جەڭٸستٸ كۋبالىق بوكسشىعا بەردٸ.
ەسەسٸنە, 52 كەلٸگە دەيٸنگٸ سالماقتا سەكەن بيبوسىنوۆ 1/8 فينالدا 2016 جىلعى وليمپيادانىڭ كٷمٸس جەنە 2017 جىلعى ەلەم چەمپيوناتىنىڭ قولا جٷلدەگەرٸ كولۋمبييالىق يۋبەرحەن مارتينەستەن ايلاسىن اسىردى. 91 كەلٸ سالماقتا سىنعا تٷسٸپ جاتقان تاعى بٸر بوكسشىمىز ۆاسيليي لەۆيتتە شيرەك فينالعا سٷرٸنبەي ٶتتٸ. ول ۋكراينالىق قارسىلاسى مارات گريگورياندى ايقىن باسىمدىقپەن ۇتتى.
ەندٸ, كەشكٸ سەسسييادا, استانا ۋاقىتىمەن 20:00-دە تاعى تٶرت بوكسشىمىز شارشى الاڭعا شىعادى.
ولار:
69 كەلٸ - ابىلايحان جٷسٸپوۆ - نيك سىرا (گەرمانييا)
81 كەلٸ - بەكزات نۇردەۋلەتوۆ - Keno Machado (برازيلييا)
+91 كەلٸ - قامشىبەك قوڭقاباەۆ - ايۋب كادفا (يسپانييا)
57 كەلٸ - قايرات ەراليەۆ - چاتچاي بۋتدي (تايلاند).
ايتا كەتەيٸك, بوكستان ەلەم چەمپيوناتىندا ەزٸرگە زەكٸر سافيۋلليننان باسقاسى جەڭٸلٸسسٸز كەلە جاتىر.
