Qazaqstan quramasynda oinaǵan taǵy eki fýtbolshy «Astanadan» ketti, - dep habarlaidy QazAqparat.
«Astana» fýtbol klýby málim etkenindei, qaqpashy Aleksandr Mokin men shabýylshy Sergei Hijnichenkomen eńbek kelisimsharty támamdalǵan.
A.Mokin «Astanaǵa» 2016 jyly keldi. Sodan beri klýbpen birge úsh márte el chempiony atandy. Osy kezeńde Aleksandr 58 matchta, sonyń ishinde Eýrokýbok oiyndarynda «Astananyń» qaqpasyn qorǵady.
S.Hijnichenko elordalyq klýbqa eki márte kelgen. Alǵash ret Sergei 2010 jyly «Astana» jeidesin kidi. Sodan keiin 2019 jyly qaita oraldy. Osy ýaqytta ol 30 kezdesýde 6 gol soǵyp, bir ret nátijeli pas berdi.
«Astana» fýtbol klýby A.Mokin men S.Hijnichenkoǵa alǵysyn bildirip, aldaǵy sporttyq joldaryna sáttilik tiledi.
Eske sala keteiik, budan buryn Qazaqstan quramasynyń jartylai qorǵaýshysy Serikjan Mýjikovtiń «Astanadan» ketkenin jazǵan bolatynbyz.
KazFootball.kz málimetine qaraǵanda, S.Mýjikovtai tájiribeli fýtbolshyny óz qatarlarynan kórýge tórt birdei klýb – «Tobyl», «Qaisar», «Jetisý» jáne «Ordabasy» qulshynys bildirip otyr.
