Qazaqstan munai eksportyn Kaspii qubyr jelisinen Resei men Qytaiǵa qaita bóledi, dep habarlaidy Sputnik Qazaqstan.
2020 jyldyń sáýir aiynda Qashaǵan jáne Qarashyǵanaq ken oryndarynan munaidy "QazTransOil" AQ magistraldyq munai qubyrlary júiesi arqyly eksporttaý kólemin ulǵaitý josparlanyp otyr.
"Qazaqstannyń energetika ministrligi bekitken munai jetkizý kestesine sáikes, sáýirde Qarashyǵanaq munaiyn "Ózen – Atyraý – Samara" magistraldyq munai qubyrynyń "Atyraý – Samara" ýchaskesi arqyly 154,7 myń tonna, Qashaǵan munaiyn 60 myń tonna kóleminde eksporttaý josparlanyp otyr", - delingen habarlamada.
Qashaǵan munaiyn "Atasý – Alashankoý" munai qubyry arqyly Qytaiǵa eksporttaýdyń boljamdy kólemi 40 myń tonnany quraidy.
Eske sala keteiik, Kaspii qubyr jelisi konsortsiýmynda qolaisyz aýa raiy saldarynan ailaqtaǵy qondyrǵylardyń buzylǵany anyqtaldy. Teńiz terminalynda munai tieý jumystary toqtatylǵan bolatyn.
Kaspii qubyr jelisi arqyly Qazaqstan óz munaiynyń 80%-ke jýyǵyn eksporttaidy.
