Búgin fýtboldan Qazaqstan kýbogy toptyq kezeńiniń úshinshi týrynyń alǵashqy oiyn kúni aiaqtaldy, dep habarlaidy "Ult aqparat".
Alǵashqy oiyn kúninde birinshi kezdesý Petropavlda jergilikti «Qyzyljar» men Shymkenttiń «Ordabasy» klýbtary arasynda ótti. Aldymen shymkenttik Sultanbek Astanov 17-minýtta esep ashsa, oǵan petropavldyq Darko Zorich 43-minýtta bir golmen jaýap qaiyrdy. Kezdesýde 1:1 esebi tirkeldi.
Almatynyń «Qairaty» kýbok oiyndaryn súreńsiz ótkizip keledi. Olar búgingi oiynda óz alańynda Túrkistannyń «Turanyna» 0:1 esebimen jol berdi. Jalǵyz gol 68-minýtta Chisom Nkobidiń enshisine jazyldy. Aita keteiik, budan buryn almatylyq klýb Aqtaýdyń «Kaspiiine» 0:2 esebimen jeńilip qalǵan edi.
Al «Taraz» syrt alańda «Atyraýdy» 2:1 esebimen tize búktirdi. Alań ielerinen 30-minýtta Jian Martins esep ashty. Odan tarazdyq fýtbolshylar qatarynan Dinmuhamed Qaraman 43, Baýyrjan Baitana 59-minýttarda qos gol soǵyp ketti.
Qyzylordanyń «Qaisary» syrt alańda «Aqtóbeni» 2:1 esebimen jeńdi. Aldymen qyzylordalyq klýbtan Egor Potapov 69, Stefan Denkovich 84-minýttarda gol soqsa, 95-minýtta aqtóbelik Iýrii Logvinenko esep aiyrmasyn qysqartty.
Endi 25 shildede «Shahter» (Qaraǵandy) men BJMORSM (Nur-Sultan), «Atyraý» men «Taraz», «Kaspii» (Aqtaý) men «Jetisý» (Taldyqorǵan), «Astana» (Nur-Sultan) men «Aqjaiyq» (Oral) kezdesse, «Tobyl» (Qostanai) men «Maqtaral» (Túrkistan oblysy) úshinshi týrdy túiindeidi.
