بٷگٸن فۋتبولدان قازاقستان كۋبوگى توپتىق كەزەڭٸنٸڭ ٷشٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
العاشقى ويىن كٷنٸندە بٸرٸنشٸ كەزدەسۋ پەتروپاۆلدا جەرگٸلٸكتٸ «قىزىلجار» مەن شىمكەنتتٸڭ «ورداباسى» كلۋبتارى اراسىندا ٶتتٸ. الدىمەن شىمكەنتتٸك سۇلتانبەك استانوۆ 17-مينۋتتا ەسەپ اشسا, وعان پەتروپاۆلدىق داركو زوريچ 43-مينۋتتا بٸر گولمەن جاۋاپ قايىردى. كەزدەسۋدە 1:1 ەسەبٸ تٸركەلدٸ.
الماتىنىڭ «قايراتى» كۋبوك ويىندارىن سٷرەڭسٸز ٶتكٸزٸپ كەلەدٸ. ولار بٷگٸنگٸ ويىندا ٶز الاڭىندا تٷركٸستاننىڭ «تۇرانىنا» 0:1 ەسەبٸمەن جول بەردٸ. جالعىز گول 68-مينۋتتا چيسوم نكوبيدٸڭ ەنشٸسٸنە جازىلدى. ايتا كەتەيٸك, بۇدان بۇرىن الماتىلىق كلۋب اقتاۋدىڭ «كاسپييٸنە» 0:2 ەسەبٸمەن جەڭٸلٸپ قالعان ەدٸ.
ال «تاراز» سىرت الاڭدا «اتىراۋدى» 2:1 ەسەبٸمەن تٸزە بٷكتٸردٸ. الاڭ يەلەرٸنەن 30-مينۋتتا جيان مارتينس ەسەپ اشتى. ودان تارازدىق فۋتبولشىلار قاتارىنان دٸنمۇحامەد قارامان 43, باۋىرجان بايتانا 59-مينۋتتاردا قوس گول سوعىپ كەتتٸ.
قىزىلوردانىڭ «قايسارى» سىرت الاڭدا «اقتٶبەنٸ» 2:1 ەسەبٸمەن جەڭدٸ. الدىمەن قىزىلوردالىق كلۋبتان ەگور پوتاپوۆ 69, ستەفان دەنكوۆيچ 84-مينۋتتاردا گول سوقسا, 95-مينۋتتا اقتٶبەلٸك يۋريي لوگۆينەنكو ەسەپ ايىرماسىن قىسقارتتى.
ەندٸ 25 شٸلدەدە «شاحتەر» (قاراعاندى) مەن بجمورسم (نۇر-سۇلتان), «اتىراۋ» مەن «تاراز», «كاسپيي» (اقتاۋ) مەن «جەتٸسۋ» (تالدىقورعان), «استانا» (نۇر-سۇلتان) مەن «اقجايىق» (ورال) كەزدەسسە, «توبىل» (قوستاناي) مەن «ماقتارال» (تٷركٸستان وبلىسى) ٷشٸنشٸ تۋردى تٷيٸندەيدٸ.
