Qazaqstan koronavirýs qaýpi joǵary 1a sanatyndaǵy memleketterdiń tizimin uzartty, dep habarlaidy QazAqparat.
«Búginnen bastap bas sanitarlyq dárigerdiń jańa qaýlysyna kúshine enip otyr. Bul jańa qaýly boiynsha birneshe memleket tizimge qosyldy pen sanitarlyq rejim kúsheitildi. 1a sanatyna búkil azamattar karantinge jatqyzylýy tiis memleketterge – Frantsiia, Iran, Italiia, Ispaniia jáne Germaniia memleketi kiretin bolady. Al 1b sanatyna Qytai, Koreia, búkil Shengen aimaqtaǵy memleketter mindetti túrde úi karantinine jatqyzylady. Buryn qabyldanǵan sheshim boiynsha 1a jáne 1b sanatyndaǵy memleketterden shetel azamattaryna Qazaqstanǵa kirý tyiym salynǵan», - dedi Densaýlyq saqtaý ministri Eljan Birtanov onlain formatta ótken baspasóz máslihatynda.
Ministr sonymen qatar ekinshi sanat boiynsha Filippin, Katar, Úndistan, Arab Ámirlikteri, Ulybritaniia, Ázerbaijan, Tailand jáne AQSh-tan keletin azamattar meditsinalyq monitoringige alynatynyn jetkizdi.
«Osy qaýly boiynsha elimizdegi búkil meditsinalyq jáne áleýmettik uiymdarda, internattarda karantin bastalady. Karantin boiynsha bul mekemelerge sonda jumys isteitin azamattar kirgiziledi. Odan bólek sanitarlyq dezinfektsiialyq rejim kúsheitiledi. Sonymen birge meditsinalyq mekemelerde foto, aýdio túsirýge qatań tyiym salynady», - dedi ol.
