Qazaqstan Respýblikasynyń Sysrtqy ister ministrligi Koreia Respýblikasy men Korei Halyq Demokratiialyq Respýblikasy arasyndaǵy sammitiniń qorytyndysyna qatysty málimdemesin jariia etti, dep habarlaidy "Ult aqparat" vedomstvonyń baspasóz qyzmetine silteme jasap.
Qazaqstan Respýblikasy 2018 jylǵy 27 sáýirde Phanmýndjom shekara beketinde Koreia Respýblikasynyń Prezidenti Mýn Chje Inmen Koreia Halyq Demokratiialyq Respýblikasynyń kóshbasshysy Kim Chen Yn arasyndaǵy sammitti quptaidy jáne koreiaralyq dialogty jandandyrýǵa, sondai-aq jahandyq qaýipsizdikti nyǵaitýǵa baǵyttalǵan kelissózderdiń nátijesin joǵary baǵalaidy.
Qazaqstan Korei túbegindegi jaǵdaidy dialog pen kelissózder arqyly retteý protsessin qoldaidy jáne saiasi-diplomatiialyq sheshim kúrdeli halyqaralyq máselelerdi qarastyrýdaǵy jalǵyz durys amal bolyp tabylatyndyǵyna senimdi.
Qazaqstan iadrolyq qarýsyzdandyrý tájiribesi bar el retinde «Korei túbeginiń beibitshiligi, gúldenýi jáne birigýi týraly Phanmýndjom deklaratsiiasyn» quptaidy jáne Korei túbeginiń iadrolyq qarýsyz mártebesine qol jetkizý boiynsha eki eldiń ýaǵdalastyǵyn tolyq qoldaidy.
Osy jyldyń basynan beri eki Koreia arasyndaǵy belsendi dialog koreiaralyq sammit jáne Pheniannyń iadrolyq synaqtardan jáne zymyrandardy ushyrýdan bas tartýy siiaqty aitarlyqtai nátijelerge jetkizdi.
Osy turǵyda, eń iri iadrolyq synaq poligonyn jabý, iadrolyq arsenaldan bas tartý, tiisti áskeri infraqurylymdy joiý, IaQTSh men Iadrolyq synaqtarǵa jappai tyiym salý týraly shartty iske asyryp, ilgeriletýge qatysý týraly Qazaqstannyń sheshimi elimizdiń tabysty jáne turaqty damýynyń kepiline, belsendi syrtqy saiasi baǵyttyń negizine jáne aimaqtyq qaýipsizdiktiń mańyzdy faktorlarynyń birine ainalýy úlgili jaǵdai bolyp tabylady.
