Qazaqstannyń kómiri Finliandiia men Japoniiaǵa eksporttala bastady, dep habarlaidy "Ult aqparat" QazAqparat agenttigine silteme jasap.
Bul týraly QR Energetika ministri Qanat Bozymbaev Ortalyq kommýnikatsiialar qyzmetinde ótken baspasóz máslihatynda aitty.
"Qazaqstannyń kómiri Resei Federatsiiasyna, Ortalyq Aziiaǵa jáne Eýropanyń birqatar elderine eksporttalady. Biyl Finliandiiaǵa 2,7 mln tonna jiberildi jáne RF úkimetiniń arnaiy qaýlysy shyǵyp, Resei porttary bizdiń kómirdi eksportqa shyǵara bastady. Osylaisha, Japoniiaǵa alǵash ret 9,3 myń tonna kómir jóneltildi", - dep atap ótti Qanat Bozymbaev.
QR Energetika ministriniń aitýynsha, biylǵy 10 aida Qazaqstandaǵy kómir óndirý kólemi 86,6 mln tonnany quraǵan. Onyń 61,8 mln tonnasy ishki naryqqa jetkizilse, shamamen 23,4 mln tonnasy - syrtqa eksporttalǵan.
