Foto: QR Kólik ministrliginiń baspasóz qyzmeti
Biyl kólik ministrligi birqatar aýqymdy jobany júzege asyrý úshin 17 mlrd dollar investitsiia tartady, dep habarlady vedomstvonyń baspasóz qyzmeti.
Aviatsiialyq jobalar
Biyl Qatonqaraǵai, Zaisan jáne Kendirli kýrorttyq aimaqtarynda jańa áýejailar salynady. Qazirgi tańda bul nysandardyń jer ýchaskelerin rásimdeý jáne jobalaý jumystary júrgizilip jatyr.
Avtomobil joldary
2030 jylǵa deiin 4,7 myń shaqyrym jańa avtojol salynady, onyń 3,7 myń shaqyrymy – I sanattaǵy joldar.
2025 jyly júzege asatyn aýqymdy jobalar:
Qyzylorda – Jezqazǵan (208 km)
Aqtóbe – Ulǵaisyn (234 km)
Qaraǵandy – Jezqazǵan (572 km)
Saryaǵash qalasy ainalma joly (102 km)
Qyzylorda qalasy ainalma joly (20 km)
Qyzylorda – Sekseýil (470 km)
Atyraý – Dossor (86 km)
Rýdnyi qalasy ainalma joly (16,9 km)
Jańaózen – Kendirli (156 km)
Petropavl qalasy ainalma joly (8 km)
Túrkistan qalasy ainalma joly (29,6 km)
Astana – Qostanai – RF-men shekara (830 km)
Shymkent qalasy ainalma joly (48 km)
Atyraý – Oral (ortasha jóndeý, 516 km)
Atyraý – Shapai (136 km)
Almaty – Talǵar – Báidibek bi (68 km)
Almaty – Úshqońyr (48 km)
Beineý – Sekseýil (736 km)
Jaiyq ózeni arqyly ótetin kópir (6,5 km)
Bul jobalardy iske asyrýǵa jalpy kólemi 9 trln-nan astam teńge investitsiia tartý kózdelgen. Qazir investor izdeý jumystary júrgizilip jatyr.
Temir jol jáne sý kóligi
2025 jyly 225 jańa vagon satyp alynady.
"Dostyq – Moiynty" jobasy boiynsha temir jol qurylysy aiaqtalady, bul ótkizý qabiletin 5 esege arttyryp, táýligine 12-60 poiyz jubynyń úzdiksiz qozǵalysyn qamtamasyz etedi. Sonymen qatar "Almaty ainalma joly" jobasy júzege asyrylady", - deidi vedomstvo.
Sondai-aq "Dostyq – Beskól" jáne "Moiynty – Balqash" ýchaskelerinde qozǵalys ashý josparlanǵan.
Teńiz kóligi jáne Aqtaý porty
Aqtaý portynda konteinerlik hab salý jumystary bastaldy, bul porttyń ótkizý qabiletin arttyrady.
"Bul Qazaqstannyń halyqaralyq logistikadaǵy ornyn nyǵaityp, Ázerbaijan, Grýziia jáne Túrkiia arqyly ótetin Transkaspii baǵytyndaǵy konteinerler tasymaly kólemin ulǵaitady. Sondai-aq Qytaidan Eýropaǵa jetkiziletin tranzittik júkterdiń bir bóligin qaita baǵyttaýǵa múmkindik beredi", - deidi kólik ministrligi.
Sonymen qatar portta tereńdetý jumystaryn júrgizý josparlanǵan. Bul onyń terminaldyq qýaty men konteinerlerdi tasymaldaýdyń tiimdiligin arttyrady.
