Qazaqstan maýsym aiynda Eýraziialyq ekonomikalyq odaqta (EAEO) ósimdik sharýashylyǵy ónimderine baǵanyń ósýi boiynsha kóshbasshy boldy. Bul týraly Eýraziialyq ekonomikalyq komissiianyń (EEK) baspasóz qyzmeti málimdedi, dep habarlaidy Ulysmedia.kz portaly.
"Eýraziialyq ekonomikalyq odaqta aýyl sharýashylyǵy ónimderin óndirýshilerdiń baǵasy 2022 jylǵy maýsymda mamyrmen salystyrǵanda 1,4%-ǵa tómendedi jáne 2021 jylǵy jeltoqsanmen salystyrǵanda 3%-ǵa ósti. Jeltoqsanmen salystyrǵanda ósimdik sharýashylyǵy ónimderi baǵasynyń eń kóp ósimi Qazaqstanda (9,3%-ǵa) jáne Qyrǵyzstanda (8,7%-ǵa) tirkeldi, al Armeniiada, kerisinshe, (10,4%-ǵa) tómendegen", - delingen habarlamada.
Osy kezeńde mal sharýashylyǵy ónimderi baǵasynyń eń kóp ósýi Belarýste (11%-ǵa) jáne Armeniiada (9,6%-ǵa) baiqaldy, al Qyrǵyzstanda (2,6%-ǵa) tómendedi.
