Qazan aiynyń ortasyna deiin Qazaqstan 16 halyqaralyq reisti qysqartady, dep habarlaidy QazAqparat.
Bul týraly QR densaýlyq saqtaý vitse-ministri – QR Bas memlekettik sanitar dárigeri Erlan Qiiasov aityp berdi.
«Áýe reisterin qysqartý máselesi qazir talqylanyp jatyr. Qazir kýrorttyq maýsym aiaqtalyp keledi. Indýstriia jáne infraqurylymdyq damý ministrligimen kýrorttyq qalalarǵa ushatyn reister boiynsha qysqartý kestesi ázirlendi. Meniń she bul bizdiń azamattarymyzǵa qolaisyzdyq týdyrmaidy, óitkeni ol jaqta da kún sýyp, maýsym jabylyp jatyr. Qazan aiynyń ortasyna deiin 16 reisti qysqartý josparlanǵan. Ári qarai, epidemiologiialyq jaǵdaiǵa qarai sheshim qabyldaimyz», - dep jaýap berdi Qiiasov.
Aita keteiik, QR Bas memlekettik sanitar dárigeriniń qaýlysymen qazannyń 5-inen 6-syna qaraǵan túni áýejailar halyqaralyq reis jolaýshylaryn jańa erejede qabyldai bastaidy. Jolaýshylarǵa saýalnama, termometriia jáne PTR anyqtama mindetteledi.
