Foto: Tengrinews.kz
Ulttyq statistika biýrosy 2021 jylǵy halyq sanaǵynyń qorytyndysy boiynsha Qazaqstan halqynyń ulttyq quramy týraly málimetterdi jariialady, - dep habarlaidy Tengrinews.kz.
2021 jylǵy sanaq qorytyndysy boiynsha qazaqtar sany 13,4 million adam boldy, 2009 jyldan bergi ósim – 33,7 paiyz (10 million – 2009 jyly).
"Jalpy halyq sanyndaǵy qazaqtardyń úlesi 63,1 paiyzdan 70,4 paiyzǵa deiin ósken.
Sondai-aq, sany kóp ulttar qataryna orystar – 2,9 million adam, ózbekter – 614 myń adam, ýkraindar – 387 myń adam jáne uiǵyrlar – 290 myń adam kiredi", - delingen habarlamada.
Sanaq qorytyndysy boiynsha, elimizdegi etnostar sany 124 bolǵan. Olardyń arasynda livter, vepsiler, orochtar, dolgandar, daniialyqtar, ýdegeiler, tsahýrlar, mansylar, nanailar, mońǵoldar, selkýpter, chýkchalar, ýlta, nivhter, ijorlar, ketter, koriaktar, qyrymshaqtar, nganasandar, saamdar, chývandar bar.
Aita keteiik, 2021 jylǵy sanaq saýalnamalaryna ultty "kórsetpeý" jaýap nusqasy qosylǵan. Osylaisha, 24,8 myń adam óz ultyn kórsetýden bas tartqan.
