Elimizde sportpen júieli túrde ainalysyp júrgenderdiń sany jalpy halyq sanynyń 30,6 paiyzyn qurady. Bul týraly Parlament Májilisi tóraǵasynyń orynbasary Gúlmira Isimbaeva málim etti, dep habarlaidy QazAqparat.
«Memleket basshysy aitqandai, buqaralyq sportty damytý arqyly deni saý ultty qalyptastyra alamyz. Kópshilik halyq sportpen ainalysqan kezde ǵana joǵary sporttyń sapasyn da jaqsartýǵa bolady. Ótken jyldyń qorytyndysy boiynsha elimizde dene shynyqtyrýmen jáne sportpen júieli túrde ainalysyp júrgenderdiń sany jalpy halyq sanynyń 30,6 paiyzyn qurap, 2014 jylmen salystyrǵanda bar-joǵy bes paiyzǵa ósti. Jalpy alǵanda, bul salada oń qarqyn bar. Biraq halqynyń 60 paiyzǵa jýyǵy sportpen ainalysatyn AQSh, Japoniia, Kanada siiaqty eldermen jáne Eýropa elderimen, halqynyń 55 paiyzynyń sportpen shuǵyldanatyn Reseimen salystyrsaq, bizdiń kórsetkishimiz tómen deńgeide», - dedi Gúlmira Isimbaeva Májilistegi Úkimet saǵatynda.
Onyń sózine qaraǵanda, mektep jasyndaǵy balalardyń bar bolǵany 59 paiyzǵa jýyǵy dene shynyqtyrýmen ainalyssa, joǵary oqý oryndarynda oqityn stýdentterdiń 31 paiyzy ǵana dene shynyqtyrýmen jáne sportpen ainalysady eken.
Budan bólek G. Isimbaeva aýyldyq jerlerde sport infraqurylymynyń álsiz damýy, sondai-aq sport quraldarymen ári jabdyǵymen jaraqtandyrýdyń jetkiliksiz bolýy máselesin atap ótti.
«Biýdjet qarajatyn bólý kezinde de buqaralyq sporttyń damýyna qarajattyń mardymsyz bólinýi alańdatady», - dedi Májilis tóraǵasynyń orynbasary.
