ەلٸمٸزدە سپورتپەن جٷيەلٸ تٷردە اينالىسىپ جٷرگەندەردٸڭ سانى جالپى حالىق سانىنىڭ 30,6 پايىزىن قۇرادى. بۇل تۋرالى پارلامەنت مەجٸلٸسٸ تٶراعاسىنىڭ ورىنباسارى گٷلميرا يسيمباەۆا مەلٸم ەتتٸ, دەپ حابارلايدى قازاقپارات.
«مەملەكەت باسشىسى ايتقانداي, بۇقارالىق سپورتتى دامىتۋ ارقىلى دەنٸ ساۋ ۇلتتى قالىپتاستىرا الامىز. كٶپشٸلٸك حالىق سپورتپەن اينالىسقان كەزدە عانا جوعارى سپورتتىڭ ساپاسىن دا جاقسارتۋعا بولادى. ٶتكەن جىلدىڭ قورىتىندىسى بويىنشا ەلٸمٸزدە دەنە شىنىقتىرۋمەن جەنە سپورتپەن جٷيەلٸ تٷردە اينالىسىپ جٷرگەندەردٸڭ سانى جالپى حالىق سانىنىڭ 30,6 پايىزىن قۇراپ, 2014 جىلمەن سالىستىرعاندا بار-جوعى بەس پايىزعا ٶستٸ. جالپى العاندا, بۇل سالادا وڭ قارقىن بار. بٸراق حالقىنىڭ 60 پايىزعا جۋىعى سپورتپەن اينالىساتىن اقش, جاپونييا, كانادا سيياقتى ەلدەرمەن جەنە ەۋروپا ەلدەرٸمەن, حالقىنىڭ 55 پايىزىنىڭ سپورتپەن شۇعىلداناتىن رەسەيمەن سالىستىرساق, بٸزدٸڭ كٶرسەتكٸشٸمٸز تٶمەن دەڭگەيدە», - دەدٸ گٷلميرا يسيمباەۆا مەجٸلٸستەگٸ ٷكٸمەت ساعاتىندا.
ونىڭ سٶزٸنە قاراعاندا, مەكتەپ جاسىنداعى بالالاردىڭ بار بولعانى 59 پايىزعا جۋىعى دەنە شىنىقتىرۋمەن اينالىسسا, جوعارى وقۋ ورىندارىندا وقيتىن ستۋدەنتتەردٸڭ 31 پايىزى عانا دەنە شىنىقتىرۋمەن جەنە سپورتپەن اينالىسادى ەكەن.
بۇدان بٶلەك گ. يسيمباەۆا اۋىلدىق جەرلەردە سپورت ينفراقۇرىلىمىنىڭ ەلسٸز دامۋى, سونداي-اق سپورت قۇرالدارىمەن ەرٸ جابدىعىمەن جاراقتاندىرۋدىڭ جەتكٸلٸكسٸز بولۋى مەسەلەسٸن اتاپ ٶتتٸ.
«بيۋدجەت قاراجاتىن بٶلۋ كەزٸندە دە بۇقارالىق سپورتتىڭ دامۋىنا قاراجاتتىڭ ماردىمسىز بٶلٸنۋٸ الاڭداتادى», - دەدٸ مەجٸلٸس تٶراعاسىنىڭ ورىنباسارى.
