Foto: Tengrinews.kz/Turar Qazanǵapov
Qazaqstandaǵy halyq sany 20 millionǵa jaqyndap qaldy, - dep habarlaidy Tengrinews.kz saity Strategiialyq josparlaý jáne reforma agenttigi Ulttyq statistika biýrosynyń baspasóz qyzmetine silteme jasap.
2023 jylǵy 1 qazandaǵy jaǵdai boiynsha halyq sany 19 967 964 adam boldy, onyń ishinde qala turǵyndary – 12 387 957 adam, aýyl turǵyndary – 7 580 007 adam.
Jyl basynan beri halyq ósimi 1,02 paiyz nemese 201,1 myń adam boldy. Halyq sanynyń eń joǵary ósý qarqyny Astana – 4,06 paiyz men Almaty qalalarynda – 2,28 paiyz jáne Mańǵystaý oblysynda – 1,94 paiyz.
"Respýblikalyq mańyzy bar qalalardan basqa, turǵyndar sany millionnan asatyn aimaqtar – Túrkistan (2 137 694), Almaty (1 524 539), Jambyl(1 221 976) jáne Qaraǵandy (1 135 601) oblystary. Halyqtyń tabiǵi ósimi esebinen, iaǵni týý jáne qaitys bolý derekterin eskergende, halyq sany 194 753 adamǵa ósti. Kóshi-qon ósimi esebinen halyq sany 6 404 adamǵa kóbeidi, bul saldonyń oń ekenin kórsetedi", - delingen habarlamada.
Halyqtyń tabiǵi qozǵalysy esebinen ósýdiń eń joǵary qarqyny Túrkistan oblysynda baiqaldy, onda halyq sany 34 097 adamǵa, Shymkent qalasynda 19 242 adamǵa, Almaty oblysynda 18 251 adamǵa ósti. Halyq ósiminiń atalǵan qarqynyn eskersek, 20 million adam kórsetkishi 2023 jylǵy qarashada bolady dep kútilip otyr.
